1 Ilaifa:se da amane sia:i,
2 “Yoube! Na da dima sia:sea, di da ougima:bela:?
3 Di da dunu bagohame ilima olelesu.
4 Dunu afae da helebeba:le goaiyane didigabone dafaloba,
5 Be wali bidi hamosu da dima doaga:i,
6 Di da Godema nodone sia:sa hawa: hamosu,
7 Waha bu sinidigili, musa: hamosu dawa:ma!
8 Na da ba:loba, dunu ilia wadela:i hou fawane hawa: agoane bugimusa: dawa:lala.
9 Gode da amo wadela:i hamosu dunuma ougi bagadeba:le,
10 Wadela:i hou hamosu dunu ilia da laione wa:me agoane husa amola hagega:sa.
11 Ilia da laione wa:me amo da ohe fane manu hamedei ba:sa,
12 Eso afaega, sia: nama misi da ouiya:lewane nama mabeba:le,
13 Amo sia: da golaiya wadela:i liligi agoai ba:beba:le
14 Na da fofogadigili, beda:ga, na da:i huluane yagugui.
15 Fo hisi da na odagia fogala:le,
16 Na da liligi afae lelebe ba:i, be na da sosodolaligi,
17 “Dunu afae da Gode Ea ba:ma:ne moloidafa esalabala?
18 Gode da Hebene ganodini hawa: hamosu dunu,
19 Amaiba:le, dia dawa:loba Gode da osoboga hamoi dunu amo Ea liligi noga:le ouligima:ne ilegema:bela:? Hame mabu! Bai osobo bagade dunu da guluga hamoiba:le, aowaba defele hedolo gagoudai dagoi ba:sa.
20 Amabela:? Ninia da hahabe esalebe ba:sa, be mae daeyagili, bogoi dagoi ba:mu.
21 Ninia gagui huluane da bu sasamogene dagoi ba:mu. Ninia asigi dawa:su hame fada:iyawane bogosa.”