1 Yoube da ea hou da moloidafa dafawaneyale dawa:beba:le,
2 Be dunu eno la:ididili esalu, ea dio amo Ilaihiu,
3 E da Yoube ea sama udiana ilima amolawane ougi galu.
4 Ilaihiu e fawane da goi ayeligi galu.
5 E da eno dunu udiana da Yoube ea adole ba:su amoga dabe hame adole iabeba:le, e
6 E da muni amane sia:i, “Na da ayeligi, be dilia da asigilai dunu.
7 Na da nisu amane sia:i, asigilai dunu dilia fawane sia:mu da defea.
8 Be Gode Bagadedafa Ea A:silibu, Hi fawane da ninima misini,
9 Ninia da:i hamosea, bagade asigi dawa:su amola moloidafa hou dawa:i hame laha.
10 Amaiba:le, na hanai da dilia na sia: nabimu!
11 Dilia sia:nanoba, na da gebewane nabalu.
12 Na da ha:giwane sosodolalu, amola dilia dafabe ba:i.
13 Dilia abuliba:le, dilia da bagade dawa:su hou ba:i dagoi, amo sia:sala:?
14 Yoube da nama hame sia:i.
15 Yoube! Ilia sia: da dafai dagoi.
16 Ilia da wali sia: hamedene agoane udigili lela.
17 Hame mabu! Na da dima adole imunu.
18 Na da sia:ma:ne ouesalumu hamedei.
19 Na da sia:mu logo hame ba:sea,
20 Hamedei! Na da bu ouiya:le esalumu da hamedeidafa.
21 Na da dunu afae amomagale hame sia:mu.
22 Na da osobo bagade dunuma hahayafuli sia:mu hamedei ba:sa.