1 Be wali na afoha ayeligi dunu da nama habosesesa.
2 Ilia da gasa guminisi dunu, gasa hameba:le,
3 Ilia da hame gagui amola ha:aligiba:le,
4 Ilia da hafoga:i soge ifalabo liligi a:le fasili, nasu.
5 Dunu eno da wamolasu dunuma wele sia:ne, sefasibi defele,
6 Ilia da magufu gelabo, gafulu ganodini dogoi, amo ganodini golasu.
7 Ilia da wadela:i sogega sigua ohe defele hulalu.
8 Ilia da dio hamedene, hamedeidafa dunu esalu.
9 Be wali ilia da misini, nama oufesega:ne habosesesa.
10 Ilia da nama higale hamosa.
11 Gode da na gasa hame amola hahani hamoi dagoi.
12 Amo dunu wa:i da na odagiaba doagala:sa.
13 Ilia da na hobeamu logo hedofasa.
14 Ilia da na gaga:i dobea holelesisi gelabodili nama soagalaguda:sa.
15 Na da beda:su hou amoga hasali dagoi.
16 Na da wali bogomu gadenei galebe.
17 Gasia, na gasa huluane da sesedudaha.
18 Gode da na abula mugia gaguli, bebenoagisisa.
19 E da na gaguli, fafua gisalugala:sa.
20 Gode! Na da Dima wele sia:sa, be Di da nama hame adole iaha.
21 Di da nama mae asigiliwane hamosa.
22 Dia da na foga mini masa:ne, logo doasisa.
23 Na dawa:! Dunu huluane ilima misunu hou defele,
24 Na da wadela:lesi dagoi.
25 Na da bidi hamosu lai dunuma asigiba:le, dinanu.
26 Na da hahawane hou amola hadigi hou nama misa:ne dawa:i.
27 Na da da:i dioi amola se nabasu amoga fawane sagodigi diala.
28 Na da alaloyo amo ganodini ahoa.
29 Na sia: da sigua wa:me amola wida (osadaligi) ilia ga:be defele,
30 Na gadofo da afadenene, bunumai hamoi dagoi.
31 Na da musa: hahawane gesami hea:su nabi.