1 Yoube da bu amane sia:i,
2 Gode da musa: na esalusu noga:le ouligi.
3 Amo esoga, Gode da na mae fisili, ani ahoasu.
4 Amo esoga na da bagade gaguiwane ba:i.
5 Gode Bagadedafa da ani esalu.
6 Na bulamagau amola goudi, ilia da dodo maga:me bagade i.
7 Na moilai bai bagade asigilai dunu da sia: sa:imusa: gilisilaloba,
8 Ayeligi dunu da na ba:le, gasigasu.
9 Dunu fi ouligisu dunu da naba:le sia: ouiya:su.
10 Mimogodafa dunu da ouiya:le esalebe ba:su.
11 Dunu huluane da na hou ba:beba:le, o enoga amo hou nababeba:le,
12 Hame gagui dunu da digini wele sia:beba:le, na da ili fidisu.
13 Dunu amo da da:i dioi bagadedafa nabi, ilia da nama nodosu.
14 Na da eso huluane moloidafa hou fawane hamonanu.
15 Na da fedege agoane, si dofoi dunu ilia si agoai galusu,
16 Na da hame gagui dunu ilia eda agoai galusu.
17 Na da nimi bagade dodona:gi dunu ilia gasa wadela:lesi.
18 Na da ode bagohame esalumu, amola hahawane na diasuga bogomu dawa:i galu.
19 Na da ifa amo ea difi da eso huluane hano defele naha,
20 Dunu huluane da na houba:le, nodonanusu.
21 Na da fada:i sia:sea, eno dunu da ouiya:lewane nabasu.
22 Na da sia: dagoloba, ilia eno sia:mu hamedei ba:su.
23 Ifabi ouligisu dunu da woufo oubi gibu yosia:be,
24 Ilia da dafawane hamoma:beyale dawa:su fisi dagoi galea,
25 Na da ilima ouligisu hou hamone, ilegesu hamosu.