1 Nini huluane da gasa hamedei amola hahani agoane lalelegei.
2 Nini da sogea heda:be defele hedolo heda:le, bu hedolo duginidaha,
3 Gode! Na da hamedeiba:le, Dia na ba:ma:bela:?
4 Ninia osobo bagade dunu da ledo bagade gala.
5 Gode! Di da ninia esalumu ode amola oubi amo ninia hame lalelegei esoga ilegesa.
6 Ninima sosodobe yolesima!
7 Ifa daou da dafawane hamoma:beyale dawa:su gala.
8 Osobo hagudu, ifa ea daou amola difi da nuisa.
9 Be hano da dialebeba:le bu gahegini ulu heda:sa.
10 Be dunu da bogosea, e da fisi dagoi ba:sa.
11 Amo da hano dalu yolebe, amola hano wayabo habe, amo defele,
12 dunu da bogosea, hamedafa wa:legadosa.
13 Di da na bogoi dunu ilia sogebi amoga wamolegemu, na da hanai gala.
14 Dunu afae da bogosea, e da bu uhini misa:bela:? Hame mabu!
15 Amasea, Di da nama wele sia:sea, na da dabe adole imunu.
16 Amasea, Di da na osa:le gaga ahoabe huluane ba:mu.
17 Di da na wadela:i hou huluanedafa gogolema:ne olofomu.
18 Eso da misunu amoga goumi da mugululi sa:imu,
19 Hano da magufu dogosa, amola gibu bagade da osobo dogone fasisa.
20 Di da Dia gasaga osobo bagade dunu banenesili, e bu hamedafa misa:ne, sefasisa.
21 Eno dunu da ea manoma nodosa. Be e da amo hou hame dawa:sa.
22 E da ea da:i hodo se fawane naba.