3 Be na da dilima sia:ga gegesu hame gala.
4 Dilia da hou hamedafa dawa:.
5 Dilia ouiya:ma! Amasea, dunu eno da dilia da bagade dawa:su dunu dawa:mu!
6 Nabima! Bai na da na hou noga:le dodofele imunusa: momagele esala.
7 Dilia abuliba:le ogogosala:?
8 Dilia da Gode gaga:musa: dawa:sala:?
9 Gode da dili ha:giwane sosodosea,
10 Dilia moloi hame hou da wamolegei dagoi.
11 Dilia da Ea gasa bagade hou ba:sea, beda:gia:mu.
12 Dilia malasu sia: da hamedei, nasubu agoane gala.
13 Ouiya:ma! Na sia:ma:ne, logo doasima!
14 Na da sia:sea, bogosu dabe ba:ma:bela:?
15 Na da hobea misunu hou dafawane hamoma:beyale dawa:su huluane da fisi dagoi.
16 Amabela:? Na da hame beda:iba:le, na da Godema moloiwane sia:sea,
17 Defea! Na da na hou olelesea, dili nabima!
18 Na da wali na hou noga:le dodofele imunusa: momagele esala.
19 Gode! Di da nama diwaneya udidimusa: mahabela:?
20 Be na da Dima adole ba:su aduna gala.
21 Adole ba:su afae da, ‘Nama se iabe amo yolesima!’
22 Gode! Di hidadea sia:ma!
23 Na da adi hou giadofabela:?
24 Dia abuliba:le naba:le hobeabela:?
25 Di da na beda:ma:ne hamosala:?
26 Di da nama mi hananewane fofada:nana.
27 Di da na emo sia:inega la:gilisili, na osa:le gaga ahoabe Di noga:le sosodosa.
28 Amaiba:le, na da dasai ifa defele, fofonobone dasale daha.