1 Ilaifa:se da amane sia:i,
2 “Yoube! Bai hamedei udigili sia:!
3 Bagade dawa:su dunu da dia sia:be defele hamedafa sia:na:noba!
4 Di da dia hanai amoga hamosa ganiaba,
5 Dia sia:beba:le, ninia da dia wadela:i hou dawa:be.
6 Na dima diwaneya udidimu hamedei.
7 Di da osobo bagadega bisilua manoyale dawa:sala:?
8 Amo esoga, di da Gode Ea ilegesu sia: nabibala:?
9 Dia dawa: liligi huluane, ninia amola dawa:.
10 Ninia dawa:su da gagoaligi dunuma laha.
11 Gode da dia dogo denesimusa: dawa:sa.
12 Be di da fofogadigili, ninima ougili sosodo aligisa.
13 Di da Godema ougi amola Ema diwaneya udidisa.
14 Osobo bagade dunu afae da fofoloidafa esaloma:bela:?
15 Bai Gode da Ea a:igele dunu ilima amolawane dafawaneyale hame dawa:sa.
16 Be osobo bagade dunu da hano nabe defele, wadela:i hou naha.
17 Yoube! Na dawa:ga sia:be goe nabima!
18 Bagade dawa:su dunu da moloi sia: nama olelei.
19 Ilia soge ganodini, ga fi dunu da hamedafa esalebeba:le,
20 Wadela:le hamosu dunu amo da eno dunu banenesisa,
21 Fofogadigili beda:ga gusa:be amoga ea gea geheamu.
22 Ea da gasi ganodini esalu, hobeamu hamedei ba:mu.
23 Amola ea bogoi da:i hodo manusa:, sia sio da ouesala.
24 Fedege agoane, gugunifinisisu da gasa bagade hina bagade dunu defele,
25 Dunu amo da Gode Bagadedafa Ema gasa fili lobo usunawane olea gagadosa,
26 -
27 Ea da gasa fili, Godema odoga:sa.
28 Amo dunu ea da moilai bai bagade gegenana samogene lai.
29 Ea da liligi bagade gaguiwane sedagili hame esalumu,
30 Ea da gasi amoga hobeamu da hamedei ba:mu.
31 Ea da gagaoui dunu agoane wadela:i hou amoma dafawaneyale dawa:sea,
32 Ea ilegei eso da hame doaga:iyawane, ea da ifa amoda bioi defele, bu hame alemu.
33 Ea da waini efe agoane fage legesa, be mae yole galuga dudugini dabe agoai gala.
34 Gode Ea hou hame lalegagui dunu iligaga fifi manebe dunu da hamedafa ba:mu.
35 Amo dunu ilia da bidi hamomusa: amola wadela:i hou hamomusa: ilegesa.