1 Womu ɡe Asɑfu u kuɑ. Ge wee.
2 Nɑ rɑɑ wɔrumɑɑ dɔɔ, n tie fiiko n kɑ tem turi.
3 Domi nɑ rɑɑ kɑ ɡɑri bɑkɑsu nisinu kuɑ
4 Gɑ̃ɑnu ɡɑnu kun bu nɔni sɔ̃ɔmɔ ben wɑ̃ɑrun tɔ̃ru kpuro sɔɔ.
5 Bɑ ǹ duniɑn wɑ̃ɑrun wɑhɑlɑ ɡɑɑ yɛ̃.
6 Bɑ tii suɑbu sebuɑ nɡe sɑbɑ ye bɑ rɑ sebe wĩirɔ.
7 Ben nuku kɔ̃surun kom mu yɑrimɔ sɑɑ ben nukurun di,
8 Bɑ rɑ n tɔnu yɛ̃ɛmɔwɑ bɑ n mɔ̀,
9 bɑ n Gusunɔ wɔllu wɔmmɔ.
10 Yen sɔ̃nɑ tɔmbu kpuro bɑ wurɑmɔ ben mi ɡiɑ.
11 bɑ mɔ̀, Gusunɔ kun ɡɑ̃ɑnu yɛ̃.
12 Nɡe mɛyɑ tɔn kɔ̃sobun wɑ̃ɑrɑ sɑ̃ɑ.
13 Mɑ nɑ tii sɔ̃ɔwɑ nɑ nɛɛ, ǹ n mɛn nɑ,
14 Yinni, tɔ̃ru bɑɑtere ɑ rɑ mɑn sɛɛyɑsiewɑ,
15 Nɑ̀ n nɛɛ, kon ko nɡe tɔn kɔ̃so be,
16 Ye nɑ ɡɑri yin ɑsɑnsi kɑsu n kɑ yi tubu,
17 Adɑmɑ dɔmɑ te nɑ duɑ wunɛ Gusunɔn sɑ̃ɑ yerɔ,
18 Geemɑ, Yinni Gusunɔ, ɑ bu surewɑ
19 Kɑɑ de bu kɑm ko mii mii,
20 Yinni, ɑ rɑ bu kpeerɑsiewɑ,
21 Ye nɛn ɡɔ̃ru ɡɑ sɑnkirɑ,
22 Mɑ nɑ kuɑ nɡe ɡɑri bɔkɔ,
23 Adɑmɑ kɑ mɛ, nɑ wɑ̃ɑ kɑ wunɛ.
24 Kɑɑ mɑn kpɑrɑ kɑ wunɛn bwisi.
25 Wɑrɑ nɑ mɔ wɔllɔ, wunɛ bɑɑsi.
26 Nɛn wɑsi kɑ nɛn bwisikunu kpuro koo doonɑ.
27 Wee be bɑ kɑ nun tondɑ bɑ ɡbimɔ.
28 Adɑmɑ nɛ, n mɑn wɛ̃re nɑ n wɑ̃ɑ wunɛn bɔkuɔ Yinni Gusunɔ.