1 Womu ɡe Sɑlomɔɔ u kuɑ. Ge wee.
2 kpɑ n wunɛn tɔmbu siri ɡem sɔɔ
3 Wunɛn ɡem sɔ̃, ben ɡunɡunu kɑ ben ɡuunu nu koo bu ɑrumɑni wɛ̃.
4 Kon sɑ̃ɑrobu siriɑ kpɑ n bu ben ɡem wɛ̃,
5 Mɛ̀n nɔɔ sɔ̃ɔ kɑ suru yɑrimɔ,
6 Yinni Gusunɔ, ɑ de nɛ, sinɑ boko nɑ n ɑrufɑɑni mɔ
7 kpɑ nɛn bɑndu sɔɔ ɡem mu n wɑ̃ɑ,
8 A de nɑ n bɑndu dii
9 Kpɑ ɑ mɑɑ de be bɑ wɑ̃ɑ ɡbɑburɔ kpuro
10 Tɑɑsisi kɑ tem mɛ mu tomɑn sinɑmbu
11 Kpɑ sinɑmbu kpuro bu mɑn yiirɑ,
12 Domi kon sɑ̃ɑro wi u weeweenu mɔ̀ wɔrɑ,
13 Mɛyɑ nɑ kon mɑɑ sɑ̃ɑron wɔnwɔndu wɑ,
14 Kon bu wɔrɑ be bɑ bu dɑm dɔremɔn min di.
15 Kpɑ nɛ sinɑ bokon wɑ̃ɑru tu dɑkɑɑ dɑ,
16 Kpɑ ɑlikɑmɑ yu mɑrurɑ tem sɔɔ kɑ ɡuunɔ.
17 Kpɑ nɛ sinɑ bokon yĩsiru tɑ n yɑrɑ sere kɑ bɑɑdommɑɔ,
18 Su Gusunɔ Isirelibɑn Yinni siɑrɑ.
19 Su nùn siɑrɑ win yĩsi bɛɛrɛɡii ten sɔ̃.
20 Womu ɡeniwɑ Dɑfidi Isɑin bii u kɑ win kɑnɑnu wiru ɡo.