1 Yinni Gusunɔ, wunɛn miyɑ nɑ kuku yeru kɑsu.
2 Wunɛ wi ɑ rɑ siri dee dee,
3 A de ɑ n sɑ̃ɑ nɛn kpee bɑɑ mi kon kuke.
4 Gusunɔ nɛn Yinni, ɑ mɑn wɔro tɔn kɔ̃sobun nɔmɑn di
5 Domi wunɛ sɔɔrɑ nɑ yĩiyɔbu mɔ.
6 Sɑɑ dɔmɑ tèn di bɑ mɑn mɑrɑ, wunɛ sɔɔrɑ nɛn nɑɑnɛ yɑ wɑ̃ɑ.
7 Tɔn dɑbiru tɑ̀ n mɑn wɑ, biti rɑ bu mwɛwɑ.
8 Yinni Gusunɔ, ɑ de nɑ n nun siɑrɑmɔ bɑɑdommɑ.
9 A ku mɑn deri nɛn tɔkɔru sɔɔ.
10 Domi nɛn yibɛrɛbɑ bɑ nɛn ɡɑri mɔ̀.
11 Bɑ ɡerumɔ bɑ mɔ̀, wee ɑ mɑn deri.
12 Ǹ n mɛn nɑ, Gusunɔ nɛn Yinni, ɑ ku mɑn deri.
13 A de be bɑ kɑsu bu mɑn ɡo mi, bu burisinɑ bu kɑm ko.
14 Adɑmɑ nɛ, wunɑ nɑ yĩiyɔ.
15 Kpɑ n wunɛn ɡem kɑ wunɛn fɑɑbɑn ɡɑri kpɑrɑ tɔ̃ɔ bɑɑtere.
16 Yinni Gusunɔ, kon wunɛn sɔm dɑmɡinun ɡɑri ɡere.
17 Gusunɔ, wunɑ ɑ mɑn keu koosiɑ sɑɑ nɛn birun di.
18 Gusunɔ, ɑ ku mɑn deri bɑɑ nɑ̀ n tɔkɔ kuɑ,
19 Wunɛn ɡem mu wɑ̃ɑwɑ sere kɑ wɔllɔ.
20 Wunɑ ɑ derɑ sɑ wɑhɑlɑ kɑ nuku sɑnkirɑnu wɑ.
21 A mɑn nukuru yɛmiɑsio kpɑ ɑ de n nun bɛɛrɛ wɛ̃.
22 Yinni, kon nun tɔmɑ kɑ mɔrɔku,
23 Nɑ̀ n nun siɑrɑmɔ, bɑ koo nɛn nuku dobu wɑ nɛn wuswɑɑn di.
24 Mɛyɑ mɑɑ nɛn yɑrɑ yɑ ko n wunɛn ɡɑri kpɑrɑmɔ sɑɑ bɑɑyere.