1 Womu ɡe Asɑfu u kuɑ. Ge wee.
2 A bɛsɛ wunɛn tɔmbu yɑɑyo,
3 A doo ɑ wɑ nɡe mɛ yɑm mi, n bɑnsu kuɑ mɑm mɑm.
4 Wunɛn yibɛrɛbɑ bɑ kukurɑ sɑ̃ɑ yeru mi nɡe ɡbee sinɑnsu
5 Bɑ sɑ̃ɑre nɡe dɑ̃ɑ buro be bɑ ɡbɑ̃ɑ yiiyɑmɔ dɑ̃ɑ sɔ̃ɔwɔ.
6 Mɑ bɑ sɑ̃ɑ yee ten burɑ yɑ̃nu kpuro kɔsukɑ kɑ ɡbɛ̃ɛ kɑ mɑtɑlɑkɑ.
7 Bɑ wunɛn sɑ̃ɑ yee te dɔ̃ɔ mɛni.
8 Mɑ bɑ ɡerumɔ ben ɡɔ̃ruɔ bɑ mɔ̀, su bu nɔni sɔ̃ kɑ dɑm.
9 Yinni, sɑ ǹ mɑɑ yĩreru ɡɑru wɑɑmɔ
10 Sere sɑɑ yerɑ̀ kɑɑ n mɑrɑ
11 Mbɑn sɔ̃nɑ ɑ wunɛn nɔmu kuruɑ.
12 Gusunɔ, sɑɑ yellun di wunɑ ɑ sɑ̃ɑ nɛn sunɔ.
13 Wunɑ ɑ nim wɔ̃ku burɑnɑ kɑ wunɛn dɑm
14 Wunɑ ɑ kɑrɑku wiru kɔrɑ,
15 A derɑ bwiɑ kɑ dɑɑrɑ yɑrɑ,
16 Wunɑ ɑ wɔ̃kuru kɑ sɔ̃ɔ sɔɔ kuɑ.
17 Mɑ ɑ tem nɔɔ burɑ yenu kuɑ.
18 Yinni Gusunɔ, ɑ yɑɑyo mɑ yibɛrɛ u nun yɛ̃ɛmɔ.
19 A ku wunɛn tɔn be ɑ kĩ mi ɡbeeku yɛɛ deriɑ.
20 A wunɛn ɑrukɑwɑni yɑɑyo.
21 A ku de wi bɑ dɑm dɔre u sekuru wɑ.
22 Yinni Gusunɔ, ɑ seewo ɑ kɑ tii yinɑ.
23 A ku wunɛn yibɛrɛbɑn wɔkinu duɑri.