1 Nɑ Yinni Gusunɔ kĩ,
2 U rɑ nɛn ɡɑri swɑɑ dɑki.
3 Gɔɔn yɔni yi rɑɑ mɑn bɔkuɑ,
4 Yerɑ nɑ Yinni Gusunɔ nɔɔɡiru sue nɑ nɛɛ,
5 Gusunɔ bɛsɛn Yinni u sɑ̃ɑwɑ tɔn ɡeo kɑ ɡemɡii.
6 Yinni Gusunɔ u rɑ bwɛ̃ɛbwɛ̃ɛbu kɔ̃su.
7 Nɛn bwɛ̃rɑ, ɑ wɛ̃ro,
8 Geemɑ, u mɑn wɔrɑ ɡɔɔn di,
9 Kon sĩ win wuswɑɑɔ hɑnduniɑ ye sɔɔ.
10 Nɑ nùn nɑɑnɛ doke, bɑɑ mɛ nɑ nɛɛ, nɑ wɔnwɔndu soore.
11 Nɛn nuku sɑnkirɑru sɔɔ,
12 Mbɑ kon Yinni Gusunɔ dibu kɔsiɑ ɡeɑ ye u mɑn kuɑn sɔ̃.
13 Kon tɑm tɑ̃rɑ win wuswɑɑɔ,
14 Nɔɔ mwɛɛ ni nɑ nùn kuɑ,
15 Be bɑ Yinni Gusunɔ nɑɑnɛ sɑ̃ɑn ɡɔɔ u sɑ̃ɑwɑ ɡɑ̃ɑ bɑkɑnu win mi.
16 Yinni Gusunɔ, ɑ nɛ, wunɛn sɔm kowo swɑɑ dɑkio.
17 Yen sɔ̃nɑ kon nun siɑrɑbun yɑ̃kuru kuɑ,
18 Nɔɔ mwɛɛ ni nɑ nun kuɑ,
19 wunɛn sɑ̃ɑ yerɔ Yerusɑlɛmun suunu sɔɔ.