1 Yinni Gusunɔ, n ǹ bɛsɛ sɑ bɛɛrɛ mɔ,
2 Mbɑn sɔ̃nɑ tɔn tukobu bɑ koo nɛɛ,
3 Gusunɔ bɛsɛn Yinni u wɑ̃ɑ wɔllɔ, u mɔ̀ ye u kĩ.
4 Adɑmɑ tɔn tukobɑ ben bũnun bwɑ̃ɑrokunu kuɑwɑ kɑ wurɑ kɑ sii ɡeesu.
5 Bwɑ̃ɑroku ni, nu nɔsu mɔ, ɑdɑmɑ nu ku rɑ ɡɑri ɡere.
6 Nu swɑsu mɔ, ɑdɑmɑ nu ǹ ɡɑri nɔɔmɔ.
7 Nu nɔmɑ mɔ, ɑdɑmɑ nu ǹ kɑ ɡɑ̃ɑnu bɑbɑmɔ.
8 Be bɑ bwɑ̃ɑroku ni mɔ̀ kɑ be bɑ ben nɑɑnɛ doke ni sɔɔ,
9 Bɛɛ Isirelibɑ, i bɛɛn nɑɑnɛ dokeo Yinni Gusunɔ sɔɔ.
10 Bɛɛ yɑ̃ku kowobu Aronin bweseru,
11 Bɛɛ be i Yinni Gusunɔ nɑsie,
12 Yinni Gusunɔ u sun yɑɑye.
13 U koo be bɑ nùn nɑsie domɑru kuɑ, bukurobu kɑ bibu.
14 U koo bɛɛ kɑ bɛɛn bibu win durom dɑbiɑsiɑ.
15 Yinni Gusunɔ u bɛɛ domɑru kuo wi, wi u wɔllu kɑ tem tɑkɑ kuɑ.
16 Wɔllu tɑ sɑ̃ɑwɑ wiɡiru,
17 N ǹ ɡɔribu bɑ rɑ Yinni Gusunɔ sɑ̃
18 Adɑmɑ bɛsɛrɑ sɑ ko nùn sɑ̃ sɑɑ tɛ̃n di sere kɑ bɑɑdommɑɔ.