1 Yinni Gusunɔ, kon nun siɑrɑ.
2 A rɑ tii yɑm bururɑm wukiri nɡe bekuru.
3 Wunɛn wɑ̃ɑ yerɑ wɑ̃ɑ sere wɔllun nim wɔllɔ.
4 Mɑ ɑ woo kuɑ wunɛn ɡɔro.
5 A tem swĩi mɛn kpɛɛkpɛɛku wɔllɔ.
6 A derɑ nim mu mɛ wukiri sere kɑ ɡuunɔ nɡe beku bɑkɑru.
7 Adɑmɑ ye ɑ nim mɛ nɑruɑ, mɑ mu doonɑ.
8 mu sɑrɑ ɡuunun di, mu dɑ wɔwi sɔɔ sere mi ɑ mu ɑyeru kuɑ.
9 A nim mɛ yɔ̃rɑ yeru kuɑ mu ku rɑɑ kɑ sɑrɑ mu mɑɑ tem wukiri.
10 Wunɑ ɑ bwiin nim kpɑre mɛ mu kokumɔ ɡuunun bɑɑ sɔɔ.
11 Miyɑ ɡbeeku yɛɛ kɑ ɡbeeku kɛtɛkunu nu rɑ nɛ nu nim nɔ.
12 Yen bɔkuɔrɑ ɡunɔsu su sin sokunu mɔ.
13 Sɑɑ wɔllun di, ɑ rɑ de ɡurɑ yu ɡuunu swee,
14 Kpɑ ɑ de yɑkɑsu su kpi yɑɑ sɑbenun sɔ̃
15 Kpɑ bu tɑm wɑ bɑ n kɑ nuku dobu mɔ̀.
16 Bɑɑ kɑ dɑ̃ɑ koo bɑkɑnɔ, nu rɑ nim wɑ
17 Miyɑ ɡunɔsu su rɑ nɛ su sin sokunu ko.
18 Guu ni nu ɡunu nu kuɑ kpee bɛrɑn wɑ̃ɑ yeru.
19 Yinni Gusunɔ, wunɑ ɑ suru kuɑ ɑ kɑ sɑɑbɑ wunɑnɑ.
20 Yɑm wɔ̃kuru tɑ̀ n tunumɑ, yɑm tĩrɑwɑ mi.
21 Gbee sinɑn piiminu nù n yɑɑ wɑ,
22 Sɔ̃ɔ ù n yɑrɑ, nu rɑ wurewɑ nin wɑ̃ɑ yerɔ nu kpunɑ.
23 Kpɑ tɔnu u mɑɑ yɑri u dɑ u win sɔmburu ko sere sɔ̃ɔ u kɑ du.
24 Yinni Gusunɔ, wunɛn sɔmɑ yɑ dɑbi.
25 Wee nim wɔ̃ku ɡɑ kpɑ̃, ɡɑ mɑɑ yɑsu.
26 Gen wɔllɔwɑ ɡoo nimkusu su sĩimɔ.
27 Yɛɛ kpuro, wunɛ turowɑ yi mɛɛrɑ
28 À n yi wɛ̃ kpɑ yi mwɑ.
29 À n yi biru kisi, yi rɑ nɑndewɑ.
30 À n mɑɑ yi wɛ̃siɑru wɛ̃, yi rɑ sewɑ
31 Yinni Gusunɔ, wunɛn yiiko yu dɑkɑɑ dɑ.
32 À n tem mɛɛrɑ, mu rɑ yĩiriwɑ.
33 Kon Gusunɔ nɛn Yinni womu kuɑ nɛn wɑ̃ɑrun tɔ̃ru kpuro sɔɔ.
34 Yinni Gusunɔ, ɑ de nɛn ɡɑri yi nun dore.
35 Durumɡibu bu ɡbio, kpɑ bɑ kun mɑɑ wɑ̃ɑ tem mɛ sɔɔ.