1 Womu ɡe Dɑfidi u kuɑ. U nɛɛ,
2 Kon Yinni Gusunɔ siɑrɑ.
3 U rɑ mɑn nɛn torɑnu kpuro suuru kue.
4 U rɑ mɑn yɑre sɑɑ siki wɔrun di.
5 U rɑ nɛn wɑ̃ɑru doo nɔɔru yibie.
6 Yinni Gusunɔ u rɑ siriwɑ ɡem sɔɔ.
7 U Mɔwisi win woodɑbɑ sɔ̃ɔsi.
8 Yinni Gusunɔ u wɔnwɔndu mɔ.
9 U ku rɑ tɔmbu ɡerusi kiri kiri.
10 U ku rɑ sun sɛɛyɑsie nɡe mɛ bɛsɛn torɑrɑ nɛ.
13 Nɡe mɛ tundo u rɑ n win bibun wɔnwɔndu mɔ,
14 Domi u yɛ̃ ye bɑ kɑ sun tɑkɑ kuɑ.
15 Tɔnun wɑ̃ɑrun tɔ̃nu nu ku rɑ tɛ.
16 Woo ɡɑ̀ n su swee kpɑ su doonɑ.
19 Yinni Gusunɔ u win sinɑ ɡɔnɑ tɛriɑ wɔllɔ.
20 Bɛɛ Yinni Gusunɔn ɡɔrɑdobɑ, bɛɛ be i dɑm mɔ
21 Bɛɛ win tɑbu kowobu kpuro,
22 Bɛɛ win tɑkɑ koorɑ, i nùn siɑro mi u bɑndu dii kpuro.