1 I Yinni Gusunɔ siɑro. I win yĩsiru sokuo.
2 I nùn womu kuo.
3 I nuki doro wi, Yinni Gusunɔn yĩsi dɛɛrɑrun sɔ̃.
4 I Yinni Gusunɔn dɑm kɑsuo.
7 Wiyɑ Gusunɔ bɛsɛn Yinni wi u koo hɑnduniɑ kpuro siriɑ.
8 U ku rɑ win ɑrukɑwɑni ye u kɑ tɔmbu bɔkuɑ duɑri sere kɑ bɑɑdommɑɔ.
9 Arukɑwɑni yerɑ u kɑ Aburɑhɑmu kɑ Isɑki bɔkuɑ.
10 U kɑ Yɑkɔbu wi bɑ mɔ̀ Isireli ɑrukɑwɑni ye bɔkuɑ
11 U nɛɛ, kon nun Kɑnɑnin tem wɛ̃.
12 Sɑɑ ye sɔɔ, bɑ ǹ dɑbi. Bɑ sɑ̃ɑwɑ sɔbu mi.
13 Bɑ rɑ n bɔsuwɑ tem kɑ tem sɔɔ.
14 Adɑmɑ Gusunɔ kun dere bweseru ɡɑru tu bu dɑm dɔre.
15 U nɛɛ, i ku be nɑ ɡɔsɑ bɑbɑ.
16 U derɑ ɡɔ̃ɔrɑ nɑ tem mɛ sɔɔ.
17 Mɑ u derɑ ɡoo ɡbiɑ u dɑ tem mi ben sɔ̃.
18 Bɑ kɑ nùn yɔni bɔkuɑ nɑɑsɔ.
19 Bɑ win lɑɑkɑri mɛɛrɑ
20 Sɑɑ ye sɔɔrɑ sinɑ boko u woodɑ wɛ̃
21 Mɑ u nùn kuɑ win yɛnu kɑ win ye u mɔ kpuron wiruɡii,
22 kpɑ u wɑ u kɑ win sinɑ ɑsɑkpɔbu kpɑrɑ nɡe mɛ u kĩ.
23 Sɑɑ yerɑ Yɑkɔbu kɑ wiɡibu bɑ nɑ bɑ sinɑ Eɡibitiɔ Kɑmun bweserun temɔ.
24 Mɑ Gusunɔ u derɑ bɑ mɑrurɑ too.
25 Mɑ u yibɛrɛ ben ɡɔ̃ru ɡɔsiɑ.
26 Mɑ u Mɔwisi kɑ Aroni ɡɔsɑ bɑ kuɑ win sɔm kowobu,
27 Mɑ bɑ mɑɑmɑɑki kuɑ kɑ win dɑm tɔn ben suunu sɔɔ Kɑmun tem mi.
28 U derɑ yɑm wɔ̃ku sinumɡiru tɑ nɑ.
29 U ben nim ɡɔsiɑ yɛm mɑ swɛ̃ɛ kpuro yi ɡu.
30 U mɑɑ derɑ surenu nu yibɑ ben tem sɔɔ
31 U derɑ ɡbɑbu swɛ̃ɛ kɑ ɡɑɑnikunu nu nɑ ben tem kpuro sɔɔ.
32 Mɑ u derɑ ɡuru kpenu kɑ dɔ̃ɔ nɑ tem mɛ sɔɔ.
33 Mɑ yɑ ben dɑ̃ɑ ɡbɑɑnu kɑ dɑ̃ɑ ni nu tie ben tem mɛ sɔɔ kpuro kɑm koosiɑ.
34 Yen biru, u derɑ twee yi nɑ dɑbi dɑbinu.
35 Mɑ yi tem min yɑkɑsu kɑ mɛn ɡbeɑn dĩɑnu kpuro di.
36 U mɑɑ Eɡibitiɡibun bii ɡbiikobu ɡo,
37 Mɑ u win tɔmbu yɑrɑ Eɡibitin di
38 Sɑɑ ye sɔɔrɑ Eɡibitiɡibun nukurɑ dorɑ
39 Mɑ Gusunɔ u Isirelibɑ ɡuru wii wuronu wukiri,
40 Ye bɑ turɑ ɡbɑburɔ,
41 U kperu wukiɑ mɑ nim mu kurɑmɑ mu tɛriɑ nɡe dɑɑru tem dirɑɔ.
42 Domi u win nɔɔ mwɛɛ dɛɛrɑ te yɑɑye te u win sɔm kowo Aburɑhɑmu kuɑ.
43 U win tɔn be u ɡɔsɑ yɑrɑ kɑ nuku dobu.
44 Mɑ u bu bwesenu ɡɑnun tem wɛ̃.
45 bu wɑ bu kɑ wi, Gusunɔn woodɑbɑ mɛm nɔɔwɑ.