1 Nɑ sɑ̃ɑwɑ tɔnu wi u nɔni swɑ̃ɑru yɛ̃
2 U derɑ nɑ dɑ yɑm wɔ̃kuru sɔɔ, mi yɑm bururɑm sɑri.
3 Nɛ turowɑ u nɔmɑ doke bururu kɑ yokɑ.
4 U derɑ nɑ woorɑ sɑɑ nɛn wirun di sere kɑ nɛn nɑɑsɔ.
5 u kɑ mɑn nuku sɑnkirɑnu kɑ nɔni swɑ̃ɑru bunɑnɑ nɡe ɡbɑ̃rɑru.
6 U derɑ nɑ dɑ yɑm wɔ̃kuru sɔɔ
7 U mɑn ɡbɑ̃rɑru bunɑnɑ n ku kɑ yɑri,
8 Mɑ nɑ nɔɔɡiru suɑ nɑ somiru kɑnɑ.
9 U nɛn swɑɑ kɛnuɑ kɑ kpee bɑkɑnu,
10 U kukuɑ u mɑn mɑrɑ
11 U nɛn swɛɛ bɔɔrɑ,
12 U win tɛndu bɛri
13 U nɛn yɛ̃sɑ yɑburɑ kɑ sɛ̃ɛnu.
14 Mɑ tɔmbu kpuro bɑ mɑn yɛ̃ɛmɔ
15 U derɑ nɑ nɔni swɑ̃ɑru wɑ
16 U derɑ nɑ kpenu temɑ
17 U derɑ nɑ ǹ mɑɑ wɑ̃ɑ bɔri yɛndu sɔɔ,
18 Mɑ nɑ ɡeruɑ nɑ nɛɛ,
19 Nɑ̀ n nɛn nɔni swɑ̃ɑru yɑɑyɑ,
20 Nɑ̀ n yenibɑ kpuro yɑɑyɑ, nɑ rɑ wururewɑ.
21 Adɑmɑ wee ye yɑ mɑn yĩiyɔbu wɛ̃ɛmɔ.
22 Yerɑ, Yinni Gusunɔn durom kun kpɑ,
23 Tɑ rɑ n wurɑmɑmɔwɑ bururu bɑɑtere.
24 Nɑ nɛɛ, Yinni Gusunɔ u sɑ̃ɑwɑ nɛɡii.
25 U rɑ wi u nùn nɑɑnɛ sɑ̃ɑ kĩru sɔ̃ɔsi,
26 Yɑ wɑ̃ tɔnu ù n Gusunɔn somiru mɑrɑ kɑ tɛmɑnɑbu.
27 Yɑ wɑ̃ tɔnu u Gusunɔn yoru wurɑ win ɑluwɑɑsiru sɔɔ.
28 Ù n lɑɑkɑri mɛɛribu ɡɑbu wɑ,
29 U n nùn wiru kpĩiyɛ win nuku sɑnkirɑnu sɔɔ,
30 U wi u nùn bɑɑrɑ soomɔ bɑɑru tĩiyɔ u sɔmɛ,
31 Domi Yinni Gusunɔ u ku rɑ tɔnu biru kisi kɑ bɑɑdommɑɔ.
32 Bɑɑ ù n derɑ yɛ̃ro u nɔni swɑ̃ɑru wɑ,
33 N ǹ win kĩru u kɑ tɔnu nɔni sɔ̃,
37 Goo kun kpɛ̃ u nɛɛ, ɡɑ̃ɑnu nu kooro,
38 Wi, Gusunɔ Wɔrukoo
39 Ǹ n mɛn nɑ, mbɑn sɔ̃nɑ tɔnu u ko n weeweenu mɔ̀.
40 Yen sɔ̃, i de su bɛsɛn dɑɑ mɛɛri
41 Gusunɔ u wɑ̃ɑ wɔllɔ.
42 Su nɛɛ, Yinni, sɑ durum kuɑ,
43 A tii beruɑ wunɛn mɔru bɑkɑn sɔ̃,
44 A duɑ ɡuru wiru sɔɔ ɑ ku kɑ bɛsɛn kɑnɑru nɔn sɔ̃.
45 A derɑ bɑ sun ɡɑrisi nɡe kubɑnu bwesenun suunu sɔɔ.
46 Bɛsɛn yibɛrɛbɑ kpuro bɑ sun nɔɔ kuurimɔ.
47 Ye yɑ sun tie, yerɑ nɑndɑbu kɑ bɛrum,
48 Wee nɑ nɔni yĩresu kokumɔ
49 Nɛn nɔni yĩresu kokumɔ, su ǹ yɔ̃re,
50 nɑ kɑ mɑrɑ Yinni Gusunɔ u nɛn lɑɑkɑri koomɑ wɔllun di,
51 kpɑ u wɑ mɑ ye yɑ Yerusɑlɛmuɡibu deemɑmɔ,
52 Be bɑ mɑn tusɑ kɑm sɔɔ
53 Bɑ kĩ bu nɛn wɑ̃ɑru kpeesiɑ wɔru sɔɔ.
54 Nim mu mɑn mwɛɛmɔ,
55 Sɑɑ ye sɔɔ, nɑ kɑnɑru kuɑ nɑ nɛɛ,
56 mɑ ɑ nɛn nɔɔ nuɑ.
57 Dɔmɑ te, ɑ mɑn susi,
58 Yinni ɑ mɑn siriɑ
59 A wɑ kɔ̃sɑ ye bɑ mɑn kuɑ,
60 A wɑ mɔru ye bɑ mɑn kɔsiemɔ
61 Yinni Gusunɔ, ɑ ben wɔmɑ nuɑ ye bɑ mɑn koosimɔ.
62 A ben nɔɔ tiɑ wɑ ye bɑ mɑn koosi
63 Ye bɑ mɔ̀ kpuro sɔɔ ɡesi,
64 Yinni Gusunɔ, nɑ yɛ̃ mɑ kɑɑ bu kɔsie
65 Kɑɑ ben ɡɔ̃run nɔni wɔ̃ke
66 Kɑɑ bu nɑɑ ɡirɑ kɑ mɔru bɑkɑ