1 Yoobu u ɡɑri suɑ u nɛɛ,
2 nɑ yɛ̃ mɛ.
3 Gusunɔ ù n tɔnu ɡɑri konu nɔrɔbu (1.000) bikiɑ,
4 Wiyɑ u bwisi kɑ dɑm kpuro mɔ.
5 U rɑ ɡuunu yiiye subɑru sɔɔ,
6 U rɑ de tem mu yĩiri sere mɛn sɔɔwɔ,
7 U rɑ sɔ̃ɔ woodɑ wɛ̃ u ku yɑri,
8 Wi turowɑ u wɔllu tɛriɑ.
9 Wiyɑ u kperi bwese bwesekɑ tɑkɑ kuɑ, kɑ kperi swɑɑnu,
10 U rɑ sɔm bɑkɑnu ko ni bɑ ǹ kpɛ̃ bu tubu.
11 Bɑɑ ù n doonɔ nɛn bɔkun di, nɑ ǹ nùn wɑsi.
12 Ye u nɛnuɑ, wɑrɑ u koo nùn ye wɔrɑri.
13 Gusunɔ ù n win mɔru seewɑ u ku rɑ ye yɔ̃rɑsie.
14 Nɛ mɑɑ ni, ɑmɔnɑ kon nùn wisi.
15 Bɑɑ nɑ̀ n ɡem mɔ, nɑ ǹ kpɛ̃ n nùn ɡɑ̃ɑnu wisi, wi, wi u sɑ̃ɑ nɛn siri kowo.
16 Bɑɑ nɑ̀ n nùn kɑnɑ mɑ u mɑn wisɑ,
17 Domi u mɑn wɔri nɡe woo ɡunɑ.
18 U ku rɑ de n wɛ̃siɑ,
19 Ǹ n dɑm ɡɑrin nɑ, wiyɑ u dɑm kpuro mɔ.
20 Bɑɑ nɑ̀ n ɡem mɔ, kɑ mɛ, nɛn ɡere yɑ koo mɑn tɑɑrɛ wɛ̃.
21 Bɑɑ mɛ nɑ ǹ tɑɑrɛ ɡɑɑ mɔ,
22 Kon kpĩ n ɡere n nɛɛ, ɡɑ̃ɑnu kpuro nu sɑ̃ɑwɑ tiɑ Gusunɔn mi.
23 Bɑrɑru ɡɑru tɑ̀ n tɑɑrɛ sɑriruɡii wɔri subɑru sɔɔ, tɑ ɡo,
24 Tem mù n wɔri tɔn kɔ̃son nɔmuɔ,
25 Wee, nɑ ǹ doo nɔɔru wɑ,
26 Tɑ sɑrɑmɔ nɡe ɡoo nimkuu si bɑ kuɑ kɑ ɡbĩi,
27 Nɑ̀ n nɛɛ, kon nɛn weeweenu deri n nɛn wuswɑɑ dɛɛrɑsiɑ,
28 nɑ rɑ nɑndewɑ nɛn wɑhɑlɑ yeni kpuron sɔ̃.
29 Bɑɑ ǹ n mɛren nɑ, nɑ sɑ̃ɑwɑ tɑɑrɛɡii win mi.
30 Bɑɑ nɑ̀ n woburɑ kɑ ɡuru kpenun nim,
31 kɑ mɛ, u koo mɑn surewɑ pɔtɔkɔ sɔɔ,
32 Wee Gusunɔ kun sɑ̃ɑ tɔnu nɡe nɛ,
33 Goo ù n dɑɑ wɑ̃ɑ wi u koo du bɛsɛn suunu sɔɔ
34 Gusunɔ u koo rɑɑ win bokuru yi te u kɑ mɑn soomɔ,
35 Sɑɑ ye sɔɔ, nɑ ǹ mɑɑ bɛrum mɔ̀ n kɑ nùn ɡɑri ko.