1 Hɑnduniɑ yeni sɔɔ, tɔnun wɑ̃ɑrɑ sɛ̃wɑ nɡe tɑbu kowo,
2 ǹ kun mɛ nɡe yoo wi u wɑ̃ɑ sɔ̃ɔ sɔɔ u sɑɑru kɑsu u wɛ̃rɑ,
3 Nɡe mɛyɑ nɛn tii nɑ sɑ̃ɑ.
4 Nɑ̀ n kpunɑ nɑ rɑ tii bikiewɑ n nɛɛ, dommɑ kon se.
5 Wee nɛn wɑsi kɔ̃simɔ, yi kɔkɔnu mɔ̀,
6 Nɛn wɛ̃siɑru tɑ weson kɔkɔrɔru sɑ̃ɑbu kere.
7 A yɑɑyo mɑ nɛn wɑ̃ɑrɑ sɑ̃ɑwɑ wɛ̃siɑ teeru.
8 Wunɛ wi ɑ mɑn mɛɛrɑ, ɑ ǹ mɑɑ mɑn wɑsi.
9 Nɡe mɛ kɑkoru tɑ rɑ yɑrinɛ tu doonɑ,
10 U ǹ mɑɑ wee u sinɑ win yɛnuɔ.
11 Nɑ ǹ kpɛ̃ n nɔɔ mɑri, domi nɑ nuki sɑnkire.
12 Yinni Gusunɔ, ɑ tɑmɑɑ nɑ sɑ̃ɑwɑ nɡe nim wɔ̃kun nim,
13 Nɑ̀ n kpunɑ nɑ nɛɛ, kon bɔri yɛndu wɑ,
14 sɑɑ yerɑ ɑ rɑ mɑn nɑndɑsie
15 A yɑnde mɑn soorɑ dokeo n ɡbi,
16 Wɑ̃ɑrɑ den mɑn tusɑ mɛ.
17 Yinni Gusunɔ, wɑrɑ rɑ n tɔnu,
18 mɑ ɑ nùn nɔni ɡirɑri bururu bɑɑtere,
19 Sere dommɑ kɑɑ mɑn deri sɛ̃ɛ.
20 Torɑru mbɑ nɑ torɑ.
21 Mbɑn sɔ̃nɑ ɑ ǹ nɛn durum wunɛ.