1 Yoobu, ɑ kuuki koowo, ɡoo ù n koo re nun wisi.
2 Gɑri bɔkɔ u rɑ ɡbiwɑ win mɔrun sɔ̃.
3 Nɑ ɡɑri bɔkɔ wɑ u kuurɑ.
4 Mɑ win bibɑ fɑɑbɑn swɑɑ deri.
5 Tɔn tukobɑ koo win dĩɑ ni u ɡɑ̃ kɑtɑ ko bu ɡurɑ,
6 Wɑhɑlɑ ku rɑ yɑri sɑɑ tuɑn di.
7 Adɑmɑ wi bɑ mɑrɑ kpuro u koo wɑhɑlɑ kowɑ,
8 Adɑmɑ nɛ Elifɑsi, ǹ n nɛn sɔ̃n nɑ, Gusunɔwɑ kon somiru kɑnɑ.
9 U rɑ ɡɑ̃ɑ bɑkɑnu kowɑ ni tɔnu kun kpɛ̃ u ɡiɑ.
10 U rɑ de ɡurɑ yu nɛ tem sɔɔ,
11 U rɑ be bɑ tii kɑwe wɔlle sue,
12 U rɑ be bɑ bwisi kɔ̃si mɔn himbɑ kɑm koosie,
13 U rɑ dewɑ bwisiɡibun tiin bwisi yi bu yinɑ mwɑ,
14 Ben mi, sɔ̃ɔ sɔɔ ɡbɑ̃ɑrɑ yɑ rɑ n bu sɑ̃ɑwɛwɑ yɑm wɔ̃kuru,
15 Adɑmɑ Gusunɔ u rɑ dɑm sɑriruɡii ɡɑnɛ ben tɑbu yɑ̃nun di,
16 Nɡe mɛyɑ u rɑ dɑm sɑriruɡii wi yĩiyɔbu wɛ̃,
17 Domɑruɡiiwɑ wi Gusunɔ Dɑm kpuroɡii u sɛɛyɑsiɑmɔ.
18 Domi wiyɑ u rɑ tɔnu mɛɛrɑ ko, kpɑ u yɛ̃ron bosu nɔɔri.
19 Nɔn dɑbinu u koo nun yɑrɑ nuku sɑnkirɑrun di,
20 Gɔ̃ɔru tɑ̀ n duɑ tem sɔɔ, u koo nun ɡɔɔ ɡbɑrɑri,
21 U koo nun bɔ̃ri ɡbɑrɑ.
22 Kpɑ ɑ n yɛ̃ɛmɔ ɡɔ̃ɔrun sɑɑ sɔɔ, kɑ sɑnɑm mɛ bɑ tem kɑm koosiɑmɔ.
23 A ǹ mɑɑ ɑsɔrɔ wɑsi wunɛn ɡberɔ.
24 Kɑɑ n bɔri yɛndu mɔwɑ wunɛn yɛnuɔ.
25 Mɛyɑ mɑɑ wunɛn bibun bweseru tɑ koo kpɛ̃ɑ
26 Tɔkɔru sɔɔrɑ kɑɑ ɡbi
27 Gɑ̃ɑ niniwɑ sɑ ɡiɑ bɛsɛn wɑ̃ɑru sɔɔ.