1 Yoobu u nɛɛ,
2 i nɛn ɡɑri nɔɔwɔ.
3 I de n ɡɑri ɡere.
4 Tɔnuwɑ nɑ weeweenu koosimɔ?
5 I mɑn mɛɛrio, kpɑ biti yu bɛɛ mwɑ
6 Nɑ̀ n nɛn wɑ̃ɑru bwisikɑ,
7 Mbɑn sɔ̃nɑ Gusunɔ u rɑ de tɔn kɔ̃so u n wɑ̃ɑ,
8 U rɑ bibu mɑ kpɑ be, bu mɑɑ se bu mɑ.
9 Bɔri yɛndɑ wɑ̃ɑ ben yɛnusɔ, bɑ ǹ bɛrum mɔ.
10 Sɑɑ kpuro, ben kɛtɛ kinɛru tɑ̀ n ben nɛɛ yɔɔwɑ yi rɑ mɑwɑ.
11 Bɑ rɑ ben bibu deri bɑ n duki mɔ̀ nɡe yɑ̃ɑnu,
12 bɑ n bɑrɑ kpɑ̃nu kɑ mɔrɔkunu soomɔ, bɑ n womusu mɔ̀,
13 Bɑ rɑ ben wɑ̃ɑru diwɑ nuku dobu sɔɔ,
14 Wee bɑ rɑ rɑɑ yellu Gusunɔ sɔ̃ bu nɛɛ,
15 Wɑrɑ rɑ n Gusunɔ Dɑm kpuroɡii
16 Tɔn ben bweseru, bɑ ǹ doo nɔɔru mɔ ro?
17 Kɑ mɛ, ɑ rɑ wɑ mi tɔn kɔ̃sobun yɑm bururɑm mu ɡbimɔ?
18 A rɑ wɑ bɑ sɑ̃ɑ nɡe yɑkɑsu,
19 Bɛɛ i ɡerumɔ i mɔ̀,
20 kpɑ ben tii bu ben kɑm kobu wɑ.
21 Domi bɑ̀ n ɡu bɑ kpɑ,
22 Sɑ ko kpĩ su Gusunɔ keu sɔ̃ɔsi,
25 Adɑmɑ ɡɑbu bɑ rɑ ɡbiwɑ wɑhɑlɑ sɔɔ,
26 Be kpurowɑ bɑ koo ɡbi, kpɑ bu ko kɔkɔnun dĩɑnu.
27 I bɛɛn tii lɑɑkɑri ko,
28 Domi i nɛɛ, mɑnɑ tɔn bokon yɛnu ɡɑ wɑ̃ɑ,
29 Adɑmɑ i ǹ be bɑ sɑrɔ swɑɑɔ bikiɑre?
30 Wɑhɑlɑ yɑ̀ n tɔn kɔ̃so deemɑ u rɑ yɑriwɑ ye sɔɔn di.
31 Ǹ n mɛn nɑ, wɑrɑ u koo mɑɑ nùn ɡerusi.
32 Domi ù n ɡu, siki wɔruɔrɑ bɑ kɑ nùn dɔɔ.
33 Tɔn dɑbirɑ tɑ koo win ɡoru swĩi bu kɑ dɑ siku yerɔ.
34 Ǹ n mɛn nɑ, nuku yɛmiɑ birɑ̀ i mɑn kuɑ.