1 Sofɑɑ Nɑɑmɑɡii u Yoobu sɔ̃ɔwɑ u nɛɛ,
2 wee nɛn bwisikunu derɑ nɑ burisinɛ.
3 Nɑ wunɛn ɡerusibu nuɑ, bi bu mɑn duɑ too.
4 Sɑɑ mìn di bɑ tɔnu tɑkɑ kuɑ,
5 ɑ ǹ yɛ̃ mɑ kɔ̃sɑn kowon nɑsɑrɑ ku rɑ tɛ?
6 Bɑɑ ù n kpɑ̃ u wɔllu bɑbɑmɔ,
7 u koo kɑm kowɑ nɡe swɑɑ swĩi bi tɔnu u kuɑ.
8 Bɑ koo nùn duɑriwɑ nɡe dosu.
9 Be bɑ rɑɑ nùn wɑɑmɔ, bɑ ǹ mɑɑ nùn wɑsi.
10 Sɑ̃ɑrobu bɑ koo win bibu wɔri.
11 U dɑm mɔ, mɑ u sɑ̃ɑ nɡe ɑluwɑɑsi.
12 Kɔ̃sɑ rɑ n dowɑ win nɔɔ sɔɔ,
13 yɑ n ɡirɑri sere win dɑroɔ.
14 Adɑmɑ yɑ koo de win dĩɑnu nu sosiɑ win nukurɔ,
15 Gɑbun dukiɑ ye u mwɛɛ, u koo ye siɑ.
16 Ye u koo nɔ, yɑ ko n sɑ̃ɑwɑ nɡe wɑɑ dɛ̃ɛ,
17 U kun tɑmɑɑ tim kɑ bom
18 U koo win dukiɑ wesiɑ ye u wɑ mi.
19 Domi u sɑ̃ɑrobu dɑm dɔre.
20 Win bɔsɔnu ku rɑ yibu.
21 Gɑ̃ɑnu sɑri ni u ǹ tii koosi.
22 Bɑɑ ù n ye mɔ yɑ kpɑ̃, u ko n nuki sɑnkirewɑ.
23 Wee sɑnɑm mɛ u win nukuru yibiɑmɔ,
24 Bɑɑ ù n tɑbu yɑ̃ɑ sisuɡinu dukɑ suurimɔ,
25 Bɑɑ ù n sɛ̃u teu wunɑ win wɑsin di,
26 Asɔrɔ yɑ koo win dukiɑ deemɑ.
27 Wɔllu tɑ koo win durum sɔ̃ɔsi,
28 Win dirun ɑrumɑni kpuro koo kɑm ko
29 Yeniwɑ Yinni Gusunɔ u tɔn kɔ̃sobu yiiye.