1 Yoobu u seewɑ u win bɔrɔbɑ sɔ̃ɔwɑ u nɛɛ,
2 sere sɑɑ yerɑ̀ i ko i n wɑ̃ɑ i n mɑn nuki sɑnkumɔ,
3 Wee yen nɔn dɑbinɑ mi,
4 Nɑ̀ n torɑn nɑ kɑ ɡem, nɛn ɡɑriyɑ.
5 I tɑmɑɑ i mɑn dɛɛrɑm kerewɑ,
6 I de i n yɛ̃ mɑ Gusunɔwɑ u kɑ mɑn mɔ̀.
7 Wee, nɑ nɔɔɡiru suɑ nɑ nɛɛ,
8 Gusunɔ u nɛn swɛɛ kpuro kɛnuɑ bɑɑmɑ.
9 U nɛn wirun furɔ wukɑ
10 U mɑn kɔsukɑ bɑɑmɑ kpuro.
11 U kɑ mɑn mɔru bɑrɑ.
12 Win tɑbu kowobu bɑ nɔɔ tiɑ kuɑ mɑ bɑ seewɑ bɑ mɑn wɔrim wee.
13 U derɑ nɛn mɛro bisibu bɑ mɑn deri,
14 Nɛn berusebu bɑ mɑn biru kisi,
15 Wee nɛn sɔbu kɑ nɛn sɔm kowobu bɑ mɑn mɛɛrɑ nɡe sɔɔ wi bɑ ǹ yɛ̃.
16 Nɑ̀ n nɛn sɔm kowo sokɑ, u ku rɑ wure.
17 Nɛn kurɔ u ku rɑ nɛn nuburu kɑ̃.
18 Kɑ mɑm bibɔ kpuro bɑ mɑn ɡɛmɑwɑ.
19 Be nɑ rɑ kɑ ɡerunɛn tii bɑ mɑn tusɑ.
20 Nɛn wɑsin yɑɑ yɑ nɛn kukunu mɑni.
21 Nɛn bɔrɔbɑ, i nɛn wɔnwɔndu wɑɑwo.
22 Mbɑn sɔ̃nɑ i mɑn nɑɑ swĩi nɡe mɛ Gusunɔn tii u mɑn nɑɑ swĩi.
23 Nɑ kĩ bu nɛn ɡɑri yore tireru sɔɔ.
24 Kpɑ bu mɑɑ yi yore kperu sɔɔ kɑ sisu
25 Adɑmɑ nɑ yɛ̃ mɑ nɛn yɑkio u wɑsi
26 Nɛn wɑsi yì n kɔ̃sɑ yi kpɑ,
27 Wiyɑ ko nɑ n mɛɛrɑ.
28 Sɑɑ ye sɔɔ, i ko ɡere i nɛɛ,
29 Adɑmɑ i n yɛ̃ mɑ Gusunɔ u koo bɛɛ siri.