1 Bilidɑ Suɑɡii u Yoobu wisɑ u nɛɛ,
2 sere dommɑ kɑɑ ɡɑri yini sɑɑrinu kpe.
3 Mbɑn sɔ̃nɑ ɑ sun mɛɛrɑ ɡɑri bɑkɑsu.
4 Wunɛ Yoobu, wunɛn mɔruwɑ yɑ nun wɑhɑlɑ mɔ̀.
5 A n yɛ̃ mɑ tɔn kɔ̃son yɑm bururɑmɑ mu koo ɡbi.
6 Yɑm bururɑm mu koo ɡɔsiɑ yɑm wɔ̃kuru win wɑ̃ɑ yerɔ.
7 U ǹ mɑɑ sĩimɔ kɑ toro sindu.
8 Domi u koo dɑ yinɑ ɡiɑ,
9 Yinɑ koo nùn mwɑ nɑɑ tokurɔ,
10 Bɑ nùn tɑɑ bɛrie temɔ, win swɑɑ sɔɔ.
11 N wee nɔni swɑ̃ɑrɑ nùn mɑrɑ tɑ kɑ sikerenɛ.
12 Gɔ̃ɔrɑ nùn wɔri, tɑ win dɑm kpɑ.
13 Tɑ koo win wɑsin ɡɔnɑ di beri berikɑn di.
14 Bɑ koo nùn wunɑ win wɑ̃ɑ yerun di,
15 Wiɡibɑ koo yɑrinɑ.
16 Tɔn kɔ̃so wi, u ko n sɑ̃ɑwɑ nɡe dɑ̃ɑ.
17 Bɑ koo win ɡɑri duɑri hɑnduniɑ sɔɔ.
18 Domi bɑ nùn yɑrɑ yɑm bururɑm di,
19 Win bii ɡoo kun nùn bibu mɑruɑmmɛ.
20 Tɔn be bɑ wɑ̃ɑ tɛ̃ bɑ koo bɛrum soorɑ.
21 Nɡe mɛyɑ tɔn kɔ̃sobu kɑ be bɑ ǹ Gusunɔ yɛ̃n wɑ̃ɑ yeru tɑ ko n sɑ̃ɑ.