1 Ritonõpo, tuisamã amorepako zae ehtoh ke imehnõ apiakatohme eya, zae oehtoh samo! Zae oehtoh ekaroko eya
2 ajohpe pyra aehtohme opoetory tõ tuisaryme
3 Tymõkomoke ononory põkõ tyripoko,
4 Tuisamã akorehmako zae tymõkomokãkara
5 Ah opoetory tõ oeahmã toto xixi nae ro ahtao,
6 Ah mokyro tuisamã konopo sã nexino ona po,
7 Ah zae ehtoh poko exiketõ nemã toto
8 Tuisame exĩko mana tuna konõto poe
9 Ahno tõ ona tonorẽ põkõ tosekumuru po
10 Expania tuisary tõ, ahmõta tõ tuisary roropa
11 Tuisa tõ emero tosekumurukõ po porohnõko
12 Tymõkomokãkara pynanohnõko mana:
13 Jamihme pyra exiketõ pyno mana,
14 Mokaro pynanohnõko mana irohmanohpotoh winoino te, etaetapatoh winoino roropa;
15 Ah mokyro tuisamã isene exikehpyra nexino!
16 Ah tiriiku tõkehko itamurume nexino
17 Ah tuisa esety poko jũme wenikehpyra ahno
18 Ritonõpo eahmatoko, Izyraeu tõ Esemy!
19 Jũme Ritonõpo Imehxo Exikety eahmatoko!
20 Sero ke Ritonõpo maro Tawi, Jese mũkuru,