1 Ritonõpo kypynanohko!
2 Ikurepato htaka omõnõko ase zue aka,
3 Tapotũkehse ase: “Kuakorehmako!” kary poko.
4 Yzehno exiketõ tuhke mã toto, toto onyhtomapopyra
5 Yyrypyry ononẽpyra ase owinoino, Ritonõpo;
6 Ritonõpo Jesemy, Jamihmehxo Exikety,
7 Opyno jexiryke yronymyryme jyhxirotoh
8 Imepỹ nonory põ sã toehse ywy jakorõ tomo a,
9 Atapyĩ pynohxo jehtoh apoto sã ukurohtao mana,
10 Yxitaryhtao te, otuhpyra roropa jahtao
11 Upo topuxiximã amururuhtao ya aorihtyã
12 Ypoko oturũko mã toto osema ae ytoketomo,
13 Yrome oya oturũko ase, Ritonõpo Jesemy.
14 Kuewomako omõpyra jehtohme ikurepato htaka;
15 Ypona tuna onenehpopyra exiko tukumase ahtao;
16 Ritonõpo Jesemy, kure mase,
17 Otonẽpyra exiko ywinoino; kuezuhko seromaroro,
18 Osehko ya, kypynanohko;
19 Yzehnotokõ emero enẽko mase,
20 Jyhxirotoh pokoino sam ãko ase ukurohtao,
21 Omise toehse jahtao orihmato tyrise
22 Naeroro otuhtoh riryhtao eya xine,
23 Ritonõpo, tonurãkõkara sã toh tyripoko!
24 Mokaro zuãnohko, toto zehno oexiryke,
25 Ah toto esary irumekahpyry sã nexino!
26 Onuãnohtyã rohmanohpõko mã toto,
27 Mokaro rypyry imeroko apapẽ pokona emero;
28 Mokaro esety ikyryko isene exiketõ papẽ poe,
29 Sam ãko ase, tapotũkehse jakorehmane oehpyra
30 “Kure mase,” ãko ase, eremiãko Ritonõpo
31 Morara kary ya Kuesẽkõ zamaro mana
32 Moro eneryhtao irohmanohpotyamo a,
33 Tymõkomokãkara omiry etãko Ritonõpo mana.
34 Ritonõpo eahmatoko kapuaõkomo, sero nono põkõ
35 Jerusarẽ pynanohnõko mana.
36 Mame moro nono esẽme