1 Ahno tomo, etatoko pahne!
2 tuisamehxo exiketomo te, imehnõ poetory tomo,
3 Josenetupuhtoh enetupuhpõko mana;
4 Atamorepãko ase omi tuaro ehtoh poko,
5 Enaromyra ase popyra ehtoh toehse ahtao,
6 Popyra exiketõ orẽpyra osekarõko mã toto
7 Yrome onepehmasaromepyra sytatose
8 isene ahno ehtoh typyne kuhse exiry mana.
9 orihpyra mokyro ehtohme,
10 Ynara enẽko sytatose: tuaro exiketõ ro
11 Ekepyrykõ zonẽtoh tonõ itapyĩkõme exĩko
12 Kymarokõ ahnome kuexirykõke,
13 Mokaro etyhpyry enetoko ke typoe xine rokẽ
14 kaneru sã orihnõko mã toto,
15 Yrome juzenu pynanohnõko Ritonõpo mana
16 Torẽtyke pyra ehtoko imehnõ tymõkomoke toehse ahtao, itamurumehxo imõkomory
17 Tymõkomory anarosaromepyra mana
18 Tãkye exiketyme ahno ahtao ro isene toehtoh poko,
19 toorihse ahtao tytamuru tõ maro oximõnõko mana,
20 Kymarokõ ahnome kuexirykõke, imehxo kuahtao xine ro, ekurehpyra sytatose;