1 Kure Ritonõpo mana!
2 Inyrityã kurã tyjamitunuru ke ikuhpỹme nase.
3 Tãkye mã mokaro, Ritonõpo omipona exiketomo,
4 Wenikehpyra exiko ypoko, Ritonõpo,
5 Opoetory tõ kure rokẽ ehtoh enery se ase, atãkyematohme ononory põkõ maro,
6 Popyra toehse kymarokomo, zae pyra ipunaka;
7 Ejitu po kytamurukõ ahtao onenetupuhpyra toh kynexine Ritonõpo nyrityã kurã poko.
8 Yrome tyjamitunuru enepotohme,
9 Ritonõpo a tyripose ahtao tuna konõto Tahpiremã tãpaikapose;
10 Toto zehno exiketõ winoino typynanohse toto eya;
11 Yrome epetõkara tyneryse;
12 Moro eneryke tyya xine zae aomihpyry ehtoh
13 Yrome axĩ tuenikehse ropa toto inyrihpyry poko,
14 Typenetatoh se toehse toto ona po, ahno esao pyra,
15 Naeroro ise toto ehtoh tokarose eya,
16 Moroto ona po Moeze zumoxike toehse toh
17 Naeroro nono totapuruhmakase, Tatã tonyohse,
18 Toto marõkõ pona apoto toepukase,
19 Ypy Xinai po pui mũkuru panõ tyrise
20 Ritonõpo Imehxo Exikety tymyakãmase eya xine
21 Tuenikehse toh kynexine Ritonõpo
22 Inyrityã osenuruhkatohme moroto!
23 Naeroro: “Toto enahkapõko ase,”
24 Moromeĩpo aomihpyry zae exiry
25 Tytapyĩkõ tao, okyno pihpyry risẽ tao
26 Naeroro ynara tykase ynororo eya xine:
27 apakomotyã sapararahme exĩko, juaro pyra
28 Moromeĩpo tõximõse Ritonõpo poetory tõ
29 Tynyrityã ke tyehno xine
30 Yrome mokyro zae pyra exikety tuãnohse Pineia a,
31 Inyrihpyry kurã poko wenikehpyra mã toto,
32 Moromeĩpo Meripa tuna enatyry po,
33 Tyekĩtapãse ynororo taomipohtomase ynororo
34 Pohnõ onetapara tokurehse toto,
35 Yrome typytase toto mokaro maro,
36 Imehnõ neponãmary toahmase
37 Typoenõkomo tõxirykomo te, orutua kõ roropa
38 Poeto kurãkõ totapase eya xine,
39 Morohne riryke eya xine
40 Naeroro typoetory tõ zehno toehse Ritonõpo,
41 Turumekase toh eya,
42 Izyraeu tõ tyyryhmase epetõkara a,
43 Tuhke rokẽ typynanohse toto Ritonõpo a,
44 Mãpyra tyxitaryme Ritonõpo a takorehmarykõ
45 Mokaro eneryke tyya wenikehpyra toehse tõmihpyry etapotopõpyry poko, typoetory tõ pynohxo toexiryke toto zehno pyra toehse ropa ynororo.
46 Typoetory tõ pyno iporemãkaponanõ tyripose ropa eya.
47 Ritonõpo yna Esemy, yna ipynanohko! Yna
48 “Kure mase,” kahtoko Ritonõpo Izyraeu tõ Esemy a. “Kure mase,” kahtoko eya seromaroro te, jũme roropa. Sero nono põkõ emero, ynara kahtoko: “Zae mase!”