1 “Kure mase,” kahtoko Ritonõpo Kuesẽkomo a,
2 Ah typynanohse aexityã moro nekarõ toto Ritonõpo eahmaryme! Typynanohse toh nexiase eya epetõkara wino,
3 tonehpose ropa toto eya imeimehnõ nonory
4 Toitoine toytose toh nexiase tytahse ona tonorẽ poro, pata onenepyra tokurehse toto tosarykõme.
5 Omise toh nexiase, tutunazehnase roropa,
6 Mame toetuarimarykohtao tykohtase toto
7 Tarose toto eya osema zae exikety ae pata pona,
8 Ah “Kure mase,” nykã toto Ritonõpo a
9 Tutunazehnase exiketomo a tuna ekarõko mana
10 Toitoine ikohmamyry ao toh nexiase,
11 Ritonõpo Imehxo Exikety omiry
12 Toerohtohkõ tupime ehtoh ke tapotũkehse
13 Mame toetuarimarykohtao tykohtase toto
14 Touse toto eya moro kohmamyry poe,
15 Ah “Kure mase,” nykã toto Ritonõpo a
16 Omõtoh apuru tõ tahkãko mana metau risemy,
17 Toitoine putupyra exiketõme sã toh nexiase,
18 tõtukurukõ se pyra toehse, takuruhtase toh nexiase,
19 Mame toetuarimarykohtao tykohtase toto
20 Tõmiry ke tukurãkase toto eya,
21 Ah “Kure mase,” nykã toto Ritonõpo a
22 Ah tynekarorykõ enehno toto, “Kure mase,”
23 Toitoine toytose toto wapu tõ ae tuna konõto poro,
24 Ritonõpo Kuesẽkõ nyriry tonese eya xine,
25 Aomiry omi poe tyryry tykapitose jamihme exikety,
26 Wapu tõ tanỹse kaehxo mã kehko,
27 Tõsetapase toto, aetỹtyã sã toytose toto
28 Mame toetuarimarykohtao tykohtase toto
29 Tyryrykane konõto tymynyhpãkapose eya,
30 Tãkye toehse toh nexiase tuna konõto
31 Ah “Kure mase,” nykã toto Ritonõpo a
32 Ah imehxo Ritonõpo ehtoh nekarõ toto
33 Tuna tõ tyripose Ritonõpo a tonore rahkene,
34 nono kurã tyrise eya patãpome,
35 Ona tonorẽ tyripose eya ikuhpo tõme,
36 Omise exiketõ tonehpose eya
37 tupito tõ tarykase eya xine,
38 Kure rokẽ typoetory tõ tyrise Ritonõpo a;
39 Ritonõpo poetory tõ typoremãkase ahtao,
40 tãkye pyra toehtoh tonepose Ritonõpo a
41 Yrome tymõkomokãkara typynanohse eya
42 Moro eneryke tyya xine atãkyemãko
43 Ah tuaro exiketõ nosenetupuhno toto