1 “Kure mase,” kahtoko Ritonõpo Kuesẽkomo a,
2 Oeremiatoko Ritonõpo eahmaryme,
3 Tãkye ehtoko ipoetoryme kuexirykõ poko.
4 Ritonõpo zupitoko, ãkorehmatohkõme;
7 Ritonõpo Kuesẽkõme mana;
8 Jũme wenikehpyra ynororo tõmiry etapotopõpyry poko, miu motye zumakahpõkõ pona, jũme tõmihpyry omipona anamonohpyra mana.
9 Tõmiry totapose Aparão a, anamonohpyra mana: “Morara tyrĩko ase,” katopõpyry Izake a roropa.
10 Tõmihpyry totapose Jako a, jũme enahpyra ehtohme.
11 Morara ahtao ynara tykase Ritonõpo eya:
12 Tuhke pyra toh kynexine, katonõme sã rokẽ Kanaã nonory po.
13 Imeimehnõ nonory poro toytose toto, tuisa esary poe, imepỹ tuisa esary pona.
14 Yrome mokaro onyryhmapopyra Ritonõpo kynexine imehnomo a, mame toto ewomatohme ynara tykase ynororo tuisa tomo a:
15 “Ypoetoryme ynymenekatyã onerekohmara ehtoko; ypoe urutõ kõ onyryhmara ehtoko.”
16 Ritonõpo poe tomitapãse toto inonorykõ po
17 Yrome orutua tonyohse osemazuhme esety Joze, ekarohpyry imepỹ namotome.
18 Ipupuru tõ keti ke tymyhse kynexine,
19 Ãpuruhpyry tao Joze kynexine morohne
20 Naeroro Ejitu tuisary a tutũtanohpose ropa ynororo; imoihmãkõ tuisary a touse ropa ynororo ãpuruhpyry tae.
21 Tuisamehxo tyrise ynororo eya,
22 Tuisamehxo toehse Joze imehnõ tuisa akorehmananõ rohmanohpotohme, tuisa amorepananõ roropa amorepatohme.
23 Moromeĩpo Jako toytose Ejitu pona moroto ehse.
24 Tuhke ipoenõ tokarose Ritonõpo a typoetory tomo a, topetõkara motye tyjamihtanohse roropa toh eya.
25 Typoetory tõ zehno Ejitu põkõ tyrise eya,
26 Mame typoetory Moeze tonyohse eya Arão maro,
27 Ritonõpo jamitunuru tonepose eya xine Ejitu po,
28 Tykohmãkapose Ritonõpo a Ejitu po,
29 Munume Ejitu tunary tõ tyripose eya,
30 Pororu tyripose eya Ejitu põkõ tapyĩ takuroko,
31 Moromoro tõ tyripose Ritonõpo a, mapiri panõ kõ maro, moro nono poro porehme.
32 Konopoimo tonehpose eya topu sã tũpore,
33 Ĩkyryrykõ tonahkase eya tupito po toto narykahpyry uwa tomo te, fiku tõ maro, wewe tõkehko typahpose eya.
34 Taparara tõ tonehpose roropa Ritonõpo a, mame taparara tõ tooehse, tuhke miujão motye, ikuhpỹme.
35 Emero arykatyã tonahse eya xine, toto tupi po ĩkyryrykõ tonahkase eya xine.
36 Ejitu põkõ poenõ taorihmapose eya,
37 Mame Izyraeu tõ touse eya Ejitu poe; aytorykohtao parata te, uuru roropa tarose tymaro xine. Kure rokẽ toh kynexine jamihme roropa.
38 Tãkye toehse Ejitu põkõ kynexine Izyraeu tõ toytose ahtao, toto zuno toehse toexirykõke.
39 Akurũ tyrise Ritonõpo a typoetory tõ epozakoxi,
40 Tokaropose eya xine, mame aramixi panõ tonehpose
41 Topu tapiakase eya, mame tuna tutũtase serereme, iporiryme ona poro.
42 Wenikehpyra kynexine tõmihpyry kurã poko
43 Naeroro tynymenekatyã typoetoryme tarose Ritonõpo a Ejitu poe toremiarykõme, tutũtase toto, kohkohtãko oseahmãko, tãkye rokene.
44 Toto esaryme, imehnõ nonory tokarose kynexine eya xine itupikõme, tỹkyryneke toto ehtohme,
45 Tosẽkõ omihpyry omipona toto ehtohme,