1 Uuru xinukutumehme sã toehse!
2 Poetohti tõ Jerusarẽ põkõ uuru kurã sã toh nexiase kyya xine,
3 Ropo nohpory itu htaõ suhsu ekarõko typoenomo a.
4 Typoenõ orihmapõko mã toto omise ehtoh ke te, tuna se ehtoh ke roropa.
5 Ahno nae torẽnase aexityã tõtukuru poko kure,
6 Wekyry tõ wãnohtoh mã Sotoma põkõ wãnohtopõpyry motye,
7 Yna tuisary tõ poenõ kure rokẽ toh nexiase akurũ karimutumã samo,
8 Seromaroro ẽmytykõ xinukutume mã toehse, sakaramato samo.
9 Totapase aexityã etonatoh poko,
10 Jerusarẽ tonahkase ahtao, nohpo tomo, typoenõ pyno aehtyã,
11 Ritonõpo Kuesẽkõ zehno toexiryke apoto tukase eya.
12 Ahno tõ emero nono põkõ tõsenetupuhse,
13 Yrome morara toehse iirypyryme urutõ kõ exiryke,
14 Tonurãkara sã toytoytose oturuketomo,
15 Ynara tykohtase ahno tomo:
16 Mokaro pyno pyra toehse Ritonõpo nexiase;
17 Typenekehse ynanexiase yna osenuhmary poko yna akorehmananõ eraximary poko;
18 Yna epetõkara yna enẽko toh nexiase ytosaromepyra yna ehtohme osema tõ ae.
19 Yna ekahmananõ axĩ tooehse nexiase, pianoimo motye.
20 Isene yna ehtoh tapoise eya xine, Ritonõpo nymenekahpyry yna tuisaryme.
21 Atãkyematoko, Etõ põkomo, Uze põkõ roropa,
22 Jerusarẽ põkõ pake tuãnohse mã toto popyra toto ehtoh emetakame.