1 Mame tozuhse Jo a; ynara tykase ynororo:
2 “Moro waro ase, yrome otãto zae jehtoh enetupuhpõko ha Ritonõpo a?
3 Ritonõpo onezuhsaromepyra ahno mana.
4 Tuarohxo Exiketyme mã ynororo, Jamihmehxo Exiketyme roropa.
5 Tokare pyra ypy tõ syryhmãko mana esarykõ poe,
6 Nono tykytyky kamexipõko mana,
7 ‘Xixi tũtara exiko,’ ãko mana.
8 Takorehmane maro pyra kapu tyrise Ritonõpo a.
9 Xirikuato tõ tyrise eya kapu ao oximõme:
10 Onenetupuhsaromepyra sytatose emero Ritonõpo nyrityã kurano.
11 Upũtokoxi Ritonõpo ytoryhtao onenepyra ase.
12 Okyryry arory se Ritonõpo ahtao, anaropopyra ehsaromepyra mase.
13 Zehno toehse Ritonõpo ahtao eramara ropa mana;
14 “Naeroro ime pyra ase ipunaka,
15 Zae rokẽ jahtao ro onezuhpyra jexiry.
16 Otarame Ritonõpo kohmaryhtao ya apiakatoh taka ytotohme,
17 Tyryrykane konõto ke jetapãko Ritonõpo mana,
18 Joseremanohpopyra mana.
19 Jamihme ehtoh kuhnõko ha?
20 Zae ase ajohpe pyra,
21 Zae ase, yrome moro poko oty kara ase;
22 Ya, emero rokẽ oxisã mana;
23 Popyra ehtoh toehse ahtao axiny,
24 Sero nono tokarose Ritonõpo a popyra exiketomo a,
25 “Ẽmepyry tõ ytõko mana axihxo,
26 Isene jehtoh enahnõko mana,
27 Ikuhnõko ase.
28 Yrome jetuarimatoh tonõ jenẽko mana,
29 Iirypyryme Ritonõpo jekaroryhtao toiparo rokẽ erohnõko ase ekurãkatohme.
30 Sahpau jakorehmara yyrypyry kurikary poko.
31 Ritonõpo jẽmãko mana eutary aka, ikurepato htaka.
32 Ysã pyra Ritonõpo mana, ahnome pyra.
33 Yna a asakoro, apiakane pyra mana,
34 Ritonõpo, juãnohpyra exiko!
35 Morarame oturũko ase oya,