1 “Typenekehse ywy isene jehtoh poko.
2 Ritonõpo, popyra exiketyme jekaropyra exiko!
3 Omoro ro kyriase.
4 Oenuru ahno enuru sã nae?
5 Ahno sã orihnõko mah okynã pyra ahtao?
6 Naeroro oty katoh yyrypyry tõ emero enẽko mah?
7 Zae rokẽ jehtoh waro mase,
8 “Oya tyrise ywy,
9 Wenikehpyra exiko orino risẽme kyriase;
10 Papa tyrise oya aja maro emũkuatohme, isene jehtohme.
11 Joko tapuhse oya zehpo maro, imity tõ maro.
12 Isene kyriase,
13 Yrome seromaroro zuaro ase,
14 Jenery se mexiase iirypyryme toehse jahtao,
15 Iirypyryme jahtao juãnopyry eraximãko rokẽ ase oya;
16 Jupuhpyry anymyryhtao ya, epyrypary zae rokẽ jehtoh poko, omoro, reão samo, jekahmãko mase;
17 Enenanõ onenehkehpyra mase jyhxirotohme.
18 “Ritonõpo, oty katohme jenurutopõpyry tyripose oya?
19 Topohme jytotopõpyry aja wakuru poe zonẽtoh pona, jenuru toh pyra exiry.
20 Orihsasaka ywy.
21 ytopyra ro jahtao, oehpyra ropa jehtoh pona,
22 jerutume ehtoh nonory pona, otupitoh pona.