1 Mame Piutate, Sua pono tõturupitose. Ynara tykase ynororo:
2 “Jo, otara ahtao moro sã sekere kakehnõko mah?
3 Ritonõpo zae ehtoh onytyorõmara mana.
4 Ajohpe pyra omũkuru tõ iirypyryme toehse Ritonõpo neneryme,
5 Seromaroro eramako ropa Ritonõpo a, oturuko Jamihmehxo Exikety a.
6 Iirypyryme pyra awahtao, ajohpe pyra roropa,
7 Pitiko sã rokẽ okyryry tonahkase mana:
8 “Ekaropoko kytamuru tomo a.
9 Pake hkopyra tonuruse kymarokomo,
10 Ah kytamuru tõ noturũ toto oya, ãmorepatohme.
11 ‘Wezamo ahtara mana tuna esaryme pyra ahtao,
12 Tuna tonore toehse ahtao ahtaryhtao ro,
13 Moro sã exĩko mokaro a,
14 Eary pisarara jamitunuru enetupuhnõko mã toto.
15 Epona omoxinety riryhtao atamohnõko mana.
16 “Popyra exiketõ ahtãko ãtarykahme sã xixime ahtao.
17 Imity tõ osexihnõko topu tõ pona,
18 Yrome touse ahtao, mokaro a tuaro pyra exĩko imehnõ mana.
19 Moro rokẽ tãkye ehtoh nae popyra exiketõ mana.
20 “Zuaro sytatose, zae ehtoh poko exiketõ onurumekara Ritonõpo mana.
21 Ritonõpo poe exianãko ropa mase,
22 Yrome ozehno exiketõ otupĩko mã toto.