1 Mame Eripaze a tozuhse, Temã pono. Ynara tykase ynororo:
2 “Oturuxi oya, Jo, ajohpame samo.
3 Tuhkãkõ tamorepase oya.
4 Tõsetapase ahno ahtao, totaehse toto ahtao,
5 Yrome seromaroro oetuarimatoh toehse mana,
6 Ritonõpo omipona oexiryke onenetupuhkehpyra exiko!
7 Osenetupuhko imehnõ ahno kurã poko.
8 Ynara rokẽ tonese ya:
9 Tyryrykane sã konõto toto enahkãko Ritonõpo mana zehno toehtoh ke.
10 Popyra exiketõ reão jamihmã sã kohtãko toh mã repe,
11 Tyere pyra reão ahtao urakanara mana,
12 “Omi toehse ya, opore pyra,
13 Koko, tynyhse imehnõ ahtao yronymyryme,
14 Enaromỹke toehse ywy,
15 Tyryrykane toehse jẽmyty poro,
16 Ahno panõ nexiase moroto; osenuhmase,
17 ‘Zae exĩko ahno nae Ritonõpo ẽpataka?
18 Typoetory kapuaõkomo a tamonohse ahtao, moro enẽko mana.
19 Morararo kymarokomo, nono risẽme exiketomo, amonohnõko sytatose.
20 Isene sytatose tõmehse ahtao,
21 Orihnõko sytatose, tapyi epukary samo,