3 “Popyra kahpyry moro ẽmepyry tyripoko, jenurutopõpyry!
4 Moro ẽmepyry tyripory se ase ikohmamyryme konõto!
5 Moro ẽmepyry kohmanohpory se ase, xinukutume rokẽ ehtohme,
6 Moro koko jũme ẽmehpyra exiry se ase, tykorokase ehtohme karẽtariu poe.
7 Moro kohmamyry toiroro exiketyme se ase, emynyhmatohme atãkyemaketõ kohtary onetara moro ae ehtohme.
8 Moro koko popyra tyripory se ase pyaxi tomo a,
9 Moro ẽmepyry ae maparukawa tozehse aexiry se ase ẽmehpyra ehtohme.
10 Popyra moro ẽmepyry tyripoko, moro ae tonuruse jexiryke.
11 “Oty katohme toorihse enurupyra exiahse?
12 Oty katoh tonao tapoise ywy aja a?
13 Toorihse jahtao jenururuhtao,
14 Tuisa tõ sã exiry, imehxo exiketõ samo tytapyĩ konõto rinanõ samo.
15 Otarame kowenatu sã exiry tytapyĩkõ pehkananõ uuru ke, parata maro.
16 Otarame poeto aepukahpyry ropa sã exiry,
17 Aorihtyã esao popyra exiketõ tyyrypyrykõ poko pyra exĩko mana,
18 Moroto ãpuruhpyry tao exiketõ oseremãko oximõme,
19 Moroto emero rokẽ mã toto, tuisamehxo exiketomo te, tuisame pyra exiketomo.
20 “Oty katoh isene ro etuarimaketõ nae?
21 Toorikyrykõ eraximãko toh mã repe,
22 Atãkyemãko mã toto, tãkye exĩko mã toto.
23 Ritonõpo poe zuaro pyra mã toto imeĩpo toto ehtoh poko,
24 “Tyoro tynahke ase, yxitaryke.
25 Popyra ehtoh zuno jehtopõpyry toehse ya.
26 Oserekohmãko ase, oseremasaromepyra ase;