1 “Otara ahtao poti tõ ypy tõ po exiketõ enurũko nae?
2 Toto nunory tõ kukuru waro hma aroporyhtao eya xine enurutohme?
3 Ãtykyry kuehme exĩko tumũkuru enururuhtao;
4 Imũkuru tõ wãtãko,
5 “Onoky a jumẽtu tõ ona põkõ tymyhpokase tamoreme xine toto ytotohme, tosẽke pyra exiketomo?
6 Ona tonorẽ ekaroase eya xine esarykõme ehtohme.
7 Panaikato kõ etary se pyra mã toto pata tõ myhto;
8 Otuhnõko mã toto ypy tõ po,
9 “Pui orutua itu htaõ toerokuru se exĩko nae oekyme?
10 Mokyro myhnõko mah eary tõ ke nono ahkatoh pokona, raxiteru pokona roropa nono poro itywyhmatohme?
11 Jamihme mana ajohpe pyra.
12 Tiriiku tõkehko anapoihpyry enehpõko mah eya atapyĩ taka?
13 “Awexituruze aporiry tõ pohpoh ãko mã toto axĩ sã repe.
14 Mokyro awexituruze ehmokãko mana nono pona rokene,
15 Wenikehnõko mana pupu a akurihmory poko, onokyro tomo a itũtũmary roropa.
16 Ehmokãko mana yrome tuhmo a wenikehnõko
17 Ya ro mokyro tyrise tuaro pyra exiketyme, tuaro ehtoh onekaropyra jexiryke eya.
18 Yrome tururume toytoryhtao axĩ ytõko mana.
19 “Jo, omoro hma kawaru rihpõme jamihme?
20 Mokyro pyhseky kamexipõko mahno taparara samo, ahno erehtohme aryrykatoh ke?
21 Typenekehse ahtao nono ahkãko mã toto tupupurukõ ke toytorykõ se toexirykõke tururume etonatoh pona tyjamitunurukõke.
22 Enaromyra mã toto.
23 Epozakuroko xine etakinakety sã pyrou ytõko mã kehko, warata tõkehko zemime mã kehko xixi ao.
24 Tywyh tywyh ãko toytorykõ se toexirykõke,
25 Opore rueimo totose ahtao, aryrykatoh ke ezuhnõko mã toto;
26 “Piano ytõko nae,
27 Õmiry eraximãko pianoimo nae tymỹ ritohme kaetokõ po?
28 Esary topu tõ po, kaetokõ po.
29 Moro poe tykarimory enẽko mana,
30 Onokyro toorihse ahtao, moroto oximõnõko