1 Moromeĩpo tyryrykane konõto wino tõturuse Ritonõpo, ynara tykase ynororo Jo a:
2 “Õtururu mã tuaro pyra oehtoh enetupuhpõko;
3 Owõko ty xikihme orutuame awahtao.
4 “Otoko mexiahse sero nono tyrise ahtao ya?
5 Onoky a sero nono zumo ehtoh tymenekase?
6 Oty po xikihmãkõ tyrise nã kehko sero nono apõme?
7 Moro ẽmepyry ae senohne emero tyrise ahtao xirikuato tõ toremiase toto oximõme.
8 “Onoky a tuna konõto tapuruse myahxo ytopyra ehtohme tonuruse ahtao sero nono wakuru ae?
9 Ya moro tuna konõto tyõtose akurũ ke,
10 Ehpiry tõ tyrise ya,
11 Ynara tykase ywy eya:
12 “Jo, isene awahtao sero nono po ẽmepyry tonehpose oya saereh kapitotohme?
13 Xixi tõmehkapose oya nae sero nono po popyra exiketõ erehtohme toto ahpahpotohme aotonẽtohkõ tae?
14 Saereme ypy tõ ehtoh tonõ enepõko mana jakanahmã kõ roropa upo mirihmã samo aryhnao, imenuru sã roropa orino pokona.
15 Saereme ahtao zae pyra exiketomo a saeremehxo mana,
16 “Jo, ytopitopyra mexiase tuna konõto enatyry tõ enese?
17 Omõtoh tonõ aorihtyã esaka tonepose oya imepyny a?
18 Sero nono zumo ehtoh waro hma?
19 “Otokoino saerehkatoh oehnõko nae?
20 Ohpetu pona morohne ytory enepory waro hma, imeĩpo aropotohme ropa toto esyryhmapitotopõpyry pona ropa?
21 Otarame morohne waro mase tamuhpõme oexiryke,
22 “Mytoase ykyryry newe kurãkatoh enese, konopoimo topu xikirimã kurãkatoh roropa?
23 Morohne kurãkãko ase etuarimatoh ehtoh pona, etonatoh pona roropa.
24 Mytoase xixi tũtatoh pona, tyryrykane exipitotoh pona roropa xixi tũtatoh wino?
25 “Onoky a konopo esemary tyrise konopo itamurume oehtohme,
26 Onoky omi poe konopo oehnõko nae ona tonorẽ pona ahno esaka pyra?
27 Onoky omi poe nono tonorẽ ehxikãko nae onahpoty ahtatohme?
28 Tumyke konopo nae?
29 Onoky kuenimã jeru ẽme nae, newe roropa?
30 Onoky mokyro tuna tũpore rineme topu samo, ikuhpo eworĩko jerume aehtohme?
31 “7me xirikuato tõ mykyry waro mah eary ke, puripurikaneme,
32 Xirikuato ẽmepyryme maparukawa osenepory waro hma,
33 Xixi tõkehko Rihpõ waro hma,
34 “Õmiry etapory waro hma kakoxi akurũ tõ a, konopo itamurume enehpotohme zueme tuna ehtohme opona?
35 Nenenehkane enepory waro hma aropotohme,
36 Onoky a torõ tõ tuaro tyripose, ipi tomo a, poroporo roropa, zueme tuna kumary ehtoh ekarotohme?
39 “Omoro hma kaikuxi tamuru tõ nahpãko mah tuesapare ipoenõ ehtohme,
40 tõtonẽse toto ahtao tosao xine, eutary ao tykarimory eraximaryhtao eya xine?
41 Onoky torõ tõ nahpãko nae ipoenõ xitaryhtao ynetaryme, toto ytoytoryhtao roropa tonahsẽ zupiry poko?