1 Tyryrykane konõto oepyryhtao, jeano tuhãko itamurume,
2 Etatoko ke Ritonõpo omiry poko,
3 Nenenehkane aropõko mana nono etyhpyry poe imepỹ etyhpyry pona, emero rokẽ pona roropa kapu zopikoko.
4 Moromeĩpo omi konõto osetãko mana, panaikato konõto, konomeru exiry samo;
5 Ritonõpo omiry takararahãko mana;
6 Aomiry omi poe newe epukãko konopo oepyry samo nono pona,
7 Moro ke tehme ahno ripõko mana itapyĩkõ tao.
8 Onokyro tõ omõnõko mã toto tosaka xine,
9 Tyryrykane konõto oehnõko mana ikurenaeino,
10 Pu katoh ke Ritonõpo a tuna akyhnõko mana jerume.
11 Akurũ tõ atanonohnõko mana konopo maro,
12 Ritonõpo omi poe, sapararahme ytõko akurũ tõ mana emero rokẽ ehtoh tonõ pona.
13 Konopo enehpõko Ritonõpo mana nono pona, toitoine ahno wãnohtohme,
14 “Etako pahne, Jo,
15 Zuaro hma otãto nenenehkane tyripõko Ritonõpo nae akurũ tõ saerehkatohme?
16 Zuaro hma otãto akurũ tõ tyhwyme exĩko nae kae?
17 Omoro axitũ exĩko mase oupõ ao tyryrykane oehpyra ro ahtao isawã maro ikurenae,
18 Ritonõpo akorehmary waro mah kapu riry poko esaka, tũpore tyritohme metau samo?
19 Yna amorepako kure oturutohme eya, moro poko onenetupuhpyra yna exiryke.
20 Ywy oseosezuhpyra ase Ritonõpo maro jenahkaporyino eya.
21 “Xixi osenepyra mana tonẽse ahtao akurũ tomo a.
22 Inikahpozakoxi saereh ãko mana uuru zemime exikety samo.
23 Ritonõpo Jamihmehxo Exikety jamihme kuhse
24 Morara exiryke zuno mã toto emero,