1 Eriu tõturuse ropa, ynara tykase:
2 “Tuaro exiketomo, tamorepase exiketõ roropa, etatoko ke jotururu.
3 Tõsẽ kurã waro sytatose tomepore ahtao kyya xine, ahno omiry etaryhtao kyya xine zae aomiry ehtoh kuhnõko sytatose.
4 Naeroro seromaroro Jo ehtoh poko satamorepatone zae ehtoh waro kuehtohkõme.
5 “ ‘Zae rokẽ ase,’ ãko Jo mana;
6 Ekaropõko mana:
7 “Sero nono po imepỹ pyra mana Jo sã exikety.
8 Popyra exiketõ maro ytoytõko mana,
9 Ynara ãko roropa mana:
10 “Seromaroro, tuaro exiketomo, jomiry etatoko.
11 Zae kuepehmatorỹko mana kynyrihpyrykõ epehpyryme, kure kuehtopõpyrykõ emetakame.
12 Ritonõpo Jamihmehxo Exikety popyra ehtoh onyripyra mana.
13 Onoky a tyjamihtanohse Ritonõpo nae?
14 Ise Ritonõpo toehse ahtao, kuoserematohkõ puxihkãko ropa mana;
15 moro toehse ahtao ahno emero orihnõko oximõme,
16 “Seromaroro, Jo, tuaro awahtao jomiry etako,
17 Zae ehtoh se pyra Ritonõpo ahtao otãto senohne emero tõmiry omipona tyrĩko nae?
18 Tuisa tõ wãnohnõko Ritonõpo mana, kowenume erohketõ roropa zae pyra toto ahtao,
19 Kurehxo tuisame exiketõ onyripyra Ritonõpo mana, tamuximãkõ roropa,
20 Ahno orikyry otarame oehnõko mõtoino rokene, otarame onoa.
21 Ynara exiryke kynyrirykõ emero enẽko mana.
22 Osa pyra mana, otonẽtohme xinukutumehxo exikety, iirypyryme exikety otonẽtohme onenepyra Ritonõpo ehtohme.
23 Ẽmepyry menekary se pyra Ritonõpo mana zae ahno apiakatohme, iirypyrykõ emero zuaro mana.
24 Tamorepary se pyra roropa mana tuisamehxo exiketõ kuhtohme, toto enahkatohme, esarykõ ekarotohme imehnomo a.
25 Ynara exiryke, mokaro nyriry waro Ritonõpo mana; koko toto akohnõko mana, toto akurihmõko roropa mana.
26 Jarao, emero rokẽ neneryme, toto wãnohnõko Ritonõpo mana popyra exiketõ wãnopyry samo.
27 Irumekary se toehse toto exiryke, inyripohpyry tõ omipona pyra toehse roropa toto exiryke.
28 Tymõkomokãkara kui tykamexipose eya xine Ritonõpo netaryme,
29 “Yrome Ritonõpo mynyhme toehse ahtao, ‘Popyra mana,’ kasaromepyra exĩko imehnõ mana.
30 Moro toehse ahtao osewomara exĩko sytatose popyra tuisa tõ winoino,
31 “Jo, oorypyry epehpyryme oetuarimary ehtoh menetupuhno Ritonõpo ẽpataka.
32 Mekaropoase Ritonõpo a azahkuru oehtoh enepotohme oya?
33 Ritonõpo nyriry se pyra awahtao, oty katohme ise oehtoh eraximãko mah inyriryme?
34 “Tuaro exiketõ atae mã toto emero,
35 ‘Jo zuaro pyra exikety sã oturũko mana;
36 Aomiry etaryhtao kyya xine enetupuhnõko sytatose:
37 Jo tyyrypyhpyke mana, tyyrypyry rumekary se pyra roropa mana.