1 “Naeroro, Jo, etako pahne jomiry,
2 Tõsenetupuhse ywy,
3 Topohme josenetupuhtoh ekarõko ase oya,
4 Ritonõpo Zuzenu a tyrise ywy,
5 “Kuezuhko jezukuru waro awahtao.
6 Ritonõpo a oxisã sytase;
7 Morara exiryke juno pyra exiko;
8 “Õmiry etase ynara karyhtao oya:
9 ‘Iirypyryme pyra ase, popyra ehtoh poko pyra jexiryke ipunaka.
10 Ritonõpo ikonehmãko rokẽ mana etonatohme ymaro.
11 Upupuru tõ tymyhse eya keti tõ ke.
12 “Yrome ynara ãko ase oya:
13 Oty katohme Ritonõpo hxirõko mah, ynara karyke:
14 Osehta oturũko Ritonõpo mana,
15 Koko, nyhtoh po, tynyhse kuahtao xine yronymyryme, osenehtoh ae, aosenepotoh ae roropa,
16 oturũko Ritonõpo mana ahno a ipanary aka,
17 Oturũko mana ahno a iirypyrykõ rumekatohme, epyrypara toto ehtohme roropa.
18 Morararo ahno pynanohnõko mana orihpyra ehtohme, kuetapara xine imehnõ ehtohme.
19 “Toitoine ahno wãnohnõko Ritonõpo mana kure pyra ehtoh ke, jetũ itamurume ehtoh ke, okynahxo roropa.
20 Mokyro kurãkara omise pyra exĩko mana,
21 Punatãnõko mana, osenahkãko mana,
22 orihsasaka mana,
23 “Otarame ipynanohnõko Ritonõpo nenyokyhpyry mana.
24 Ipyno tahtao oturũko mana Ritonõpo a:
25 Mame ekurãkãko ropa mana,
26 Aotururuhtao Ritonõpo a, etãko mana.
27 Ynara ãko mana imehnomo a emero:
28 Typynanohse exiase eya orihpyra jehtohme.
29 “Morohne emero rĩko Ritonõpo mana kyya xine.
30 Kuorihmapopyra xine mana.
31 “Seromaroro, Jo, otato exiko;
32 Ezuhtoh nae awahtao, kaxiko ya, tãkye jexiry zae oehtoh enetuputyryhtao ya.
33 Yrome arypyra ahtao mynyhme rokẽ exiko jomiry etatohme.