1 “Yrome seromaroro ahno poetomehxo exiketõ jeunohnõko mã toto.
2 Tupunatãse exiketomo,
3 Torẽse aehtyamo,
4 Otyro ary apoĩko mã toto, wewe pihpyry roropa,
5 Taropose toh nexiase ahno a, ikohtary ke omato tõ aropory samo.
6 Eutary ao tõsesarise toh nexiase, eutary tahkase ahtao eya xine ypy tõ pokona.
7 Itu htao kui tykase toto onokyro tõ samo,
8 Popyra exiketomo, tosehke pyra, tynonory poe taropose toto.
9 “Yrome seromaroro jeunohnõko ipoenõ mã toto toremiarykõ ke.
10 Nuriame rokẽ ase eya xine.
11 Tyjamihkehse jexiryke Ritonõpo a,
12 Mokaro, popyra exiketõ, osetapase oehnõko mã toto,
13 Epasaromepyra ase mokaro poeino,
14 Japurũ tõ tahkatopõpyry ae omõnõko mã toto.
15 Tonaroxitapãse ywy.
16 “Seromaroro typenekehse ywy isene ro jehtoh poko;
17 Koko ahtao yzehpyry jetũ mã ipunaka.
18 Jesenary tapoise Ritonõpo a jamihme samo,
19 Ikurepato htaka tomase ywy eya.
20 “Ritonõpo, kohtãko ase oya, jakorehmatohme,
21 Yyryhmaneme toehse mase, ajamitunuru ke
22 Tyryrykane konõto ke jaropõko mase,
23 Jarõko mase aorihtyã esaka, zuaro ase.
24 Oty katohme orutuame aexihpyry maro osetapãko mah?
25 Otarame xitara exiase imehnõ etuarimaketõ maro?
26 Tãkye jehtoh eraximãko exiase,
27 “Torẽtyke ase jetuhxo jexiryke,
28 Jytoryhtao emynyhmãko ase,
29 Jomiry pusuhkatoh emynyhmakety sã mana,
30 Ypihpyry xinukutume exĩko mana,
31 Torẽnase exiase eremiatoh tãkye etary poko, rue tõ maro, rira tõ roropa.