1 Mame Jo tõturuse ropa, ynara tykase:
2 “Pake ehtopõpyry poko penetãko ase, towomase jehtopõpyry Ritonõpo a!
3 Morarahtao jesemary pona saereh tykase Ritonõpo,
4 Moro ẽmepyry tõ ae kure rokẽ exiase,
5 Ritonõpo Jamihmehxo Exikety ymaro nexiase,
6 Ytapyĩ tao suhsu nae nexiase pitiko rokẽ pyra, azeite roropa,
7 Toytose jahtao oximõtoh taka apiakatoh tao, typorohse jahtao juize tõ maro,
8 nuasemãkõ tãtapiakase toh nexiase jesemary etapuruhmakatohme jytotohme,
9 Ahno tuisary tõ tymynyhpãse toh nexiase,
10 tamuximehxo exiketõ mynyhme toehse tuisamehxo jekaroryke eya xine.
11 “Jotururu etaryhtao imehnomo a kure rokẽ tyripose ywy eya xine,
12 Tymõkomokãkara takorehmase ya takorehmarykõ se exiketomo,
13 Kure rokẽ tyripose ywy etuarimaketomo a,
14 Zae rokẽ exiase imehnõ poko, ajohpe pyra
15 Tonurãkara enurume sã exiase, pupume exiase ahmitahpyryme exiketomo a.
16 Jũme exiase tymõkomokãkara a; ewomaneme
17 Imehnõ ryhmananõ jamitunuru tonahkapose ya, iiryhmatyã typynanohse ya.
18 “Ynara osenetuputyase:
19 Wewe sã exiase tymise exikety,
20 Kure rokẽ jekãtõko imehnõ mana,
21 Imehnõ turuse ya ahtao, otatõme toh nexiase mynyhme rokene.
22 Tõturukehse jahtao jezuhpyra toh nexiase.
23 Toto zamaro jomiry nexiase,
24 Tõseahmase ywy mokaro maro, typenekehse aexityã kurãkõ eraximary poko.
25 Mokaro tuisaryme sã exiase,