1 Nono ahkatoh nae parata outohme,
2 Kurimene tõkehko touse mana nono ae,
3 Tymaro xine ezuru arõko ahno mana nono zopikoxi;
4 Moe pata tõ poe eutary ahkãko mana, ahno esahpokoxi,
5 Epoe tiriiku ahtãko tupito tõ po nono po,
6 Topu tõ ao sapira tõ nae mana,
7 Osema eutary aka nono aka onenepyra piano tomo,
8 Moro osema ae ytopyra kaikuxi tamuru tomo, imehnõ onokyro tõ orẽpyra exiketõ roropa, osekatõ komo.
9 Topu tõ tũpore exiketõ ahkãko ahno mana.
10 Eutary tõ ahkãko mã toto topu tõ aka,
11 Ahkãko mã toto tuna enatyry tõ pona,
12 Yrome otoko tuaro ehtoh enẽko sytatou?
13 Tuaro ehtoh typyne exiry waro pyra ahno mana,
14 Tuna konõto zueme ehtoh ynara ãko sã roropa:
15 Tuaro ehtoh osepekahsaromepyra mana uuru ke te, parata ke roropa.
16 Uuru kurã motye mana,
17 Uuru motye tuaro ehtoh kure mana, kutehi kurã motye roropa.
18 Korau motye, kyrixtau motye, morohne motye tuaro ehtoh kure mana rupi tõ motye, perora tõ motye roropa.
19 Topazio motye Etiopia poe, uuru kurã roropa;
20 Oty poe tuaro ehtoh oehnõko nae?
21 Tuaro ehtoh onenesaromepyra isene exiketõ mã emero porehme.
22 Aorihtoh roropa enahkatoh maro ynara ãko sã mã toto:
23 Ritonõpo rokẽ zuaro mana tuaro ehtoh esemary poko.
24 Sero nono etyhpyry tõ eneryke eya,
25 Tyryrykane jamitunuru tokarose ahtao eya,
26 tõmiry omipona konopo tyripose ahtao eya,
27 morohne toehse ahtao tuaro ehtoh tonese eya,
28 Ynara tykase ynororo ahno a: