1 Mame Jo tõturuse ropa, ynara tykase:
2 “Jomiry etapõko ase Ritonõpo Jamihmehxo Exikety netaryme,
3 Ritonõpo poe oseremãko ro jahtao,
4 zae pyra ehtoh oturupyra exĩko ase,
5 ‘Zae mexiatose jyhxiroryhtao,’
6 Etyorõmara ase,
7 “Ah jepetõkara emero popyra jyriry se exiketomo tuãnohse nexĩ toto popyra exiketõ samo, iirypyrymãkõ samo.
8 Oty kure ehtoh eraximãko Ritonõpo waro pyra exiketõ nae aorihtoh toehse ahtao?
9 Popyra ehtoh toehse ahtao eya xine,
10 Atãkyemara mã toto Ritonõpo poko,
11 “Ãmorepatorỹko ase Ritonõpo Imehxo Exikety jamitunuru poko,
12 Yrome ãmoreparykõ se pyra matose ya, morohne tonese oya xine exiryke.
13 “Popyra exiketõ, imehnõ ryhmananõ wãnopyry poko Ritonõpo Jamihmehxo Exikety a ekarõko ase oya.
14 Ipoenõ emitapãnõko mã toto,
15 akoĩpyry isene ro exiketõ tyrohsẽ ke orihnõko mã toto.
16 “Parata itamurume apoiryhtao eya, nono samo, upo roropa apoiryhtao eya kaetoko exikety samo,
17 imepỹ zae ehtoh poko exikety moro upo amurũko mana,
18 Popyra exikety wewe xihpyrymã ke tapyi amõko mana.
19 Etyhpyryme ataxikãko mokyro mana itamurume tineru esẽme mã repe,
20 Popyra ehtoh mokyro pona oehnõko mana tuna zueme exikety samo.
21 Itapyĩ tae tarosẽme exĩko mana tyryrykane jamihme exikety a xixi tũtatoh wino.
22 Tyryrykane konõto ahno ryhmãko yronymyryme toeparykõ se ahtao ro.
23 Tururume ytõko mana torehse toexiryke,