1 Mame Piutate Sua pono a tozuhse. Ynara tykase ynororo:
2 “Jo, oty katoh sekere kakehpyra mahno?
3 Oty katohme tuaro pyra exiketõme yna ekarõko mah,
4 Onyetũ ke atapurõko rokẽ mase.
5 “Popyra exiketõ orihnõko mã toto, saerehkatoh ezehkary samo, apoto sã roropa tozehse ahtao.
6 Ezuru itapyĩ tao tozehsẽme exĩko, saerehkara roropa mana.
7 Jamihme exikety sã ytoytõko nexiase,
8 Tarãpa pona toytoryhtao, ipupuru tõ apoĩko mana.
9 Ihtainy tapoise apoitopo a, tũtara ropa aehtohme.
10 Apoitoh tonẽse nexiase nono po, osema tao, mokyro esemary ao.
11 Popyra ehtoh toto zomye toto enaroximãko,
12 Tytineruke nexiase,
13 Tyrohsẽ popyra orihmatõ emãnõko mana zoko tõ poko,
14 Tousẽme exĩko mã toto tytapyĩkõ htae, moro
15 Itapyinỹpyry tukurikasẽme exĩko ẽxofere ke nuriame pyra ehtohme,
16 Wewe sã toorihse aexihpyry sã exĩko mana, tonore imity tõ poe amoriry tõ pona.
17 Mokyro poko wenikehnõko imehnõ mana.
18 Mokyro taroposẽme exĩko mana isene exiketõ esary winoino.
19 Tumũkue pyra exĩko mana,
20 Mokyro orihtoh poko zuaro exiketõ, xixi tũtatoh winoino xixi omõtoh pona,
21 Moro sã popyra exiketõ orihnõko mã toto, Ritonõpo se pyra exiketomo.”