1 Apotũkehnõko ase.
2 Jeunohnanõ japurũko mã toto,
3 “Ritonõpo, omoro rokẽ jakorehmãko mase;
4 Osenetupuhsaromepyra mokaro tyrise oya, ypoihtonanomo, onenetupuhpyra toto ehtohme senohne poko;
5 Tuaro aexihpyry omihpyry samo:
6 Moro omihpyry ekarõko mã ahno tomo ya,
7 Tonurẽkara sã exĩko ase jemynyhmaryke,
8 Jeneryke zae ehtoh poko exiketõ osenuruhkãko mã toto.
9 Zae exiketyme osekaroketõ mokaro, tamuximehxo exiketomo, orẽpyrahxo zae ehtoh poko exikehpyra mã toto.
10 Yrome aepyry ropa toto ahtao xiaro, toiro tuaro exikety onenepyra jexiry toto maro.
11 “Isene jehtoh enahnõko mana;
12 Yrome jepe tõ mã koko ekarõko ẽmepyryme;
13 Aorihtyã esary riryhtao ya ytapyĩme,
14 Jekepyry zonẽtoh papame ekarõko ase,
15 otoko kure ehtoh eraximary ya?
16 Kure ehtoh eraximary ya yhtopyra mana ymaro nono zopikoxi aorihtyã esaka?”