1 Mame mokaro ezuhtohme ynara tykase Jo:
2 “Morohne panõ emero etase pake.
3 Sekere kakehpyra hmatou, jũme?
4 Jesao awahtao xine, oesarykõ po jahtao roropa,
5 Mãpyra omi kurã ekaroryhtao emuhkehkananomo a, emynyhmara oehtohkõme, jetuhkopyra oetuarimarykõ exiry.
6 Yrome jotururuhtao jetũ jehtoh onymynyhpãkara mana,
7 “Ritonõpo, opoe tapotũkehse ywy,
8 Typoremãkase ywy oya, yzehno exiketyme mase.
9 “Zehno toexiryke tyxihkase ywy Ritonõpo a;
10 Imehnõ emero jenaroximãko mã toto,
11 Ritonõpo jekaroase ajoajohpãkomo a, popyra exiketõ emahpokoxi tokarose ywy.
12 Torẽtyke pyra exiase, osepeme imehnõ maro,
13 Emero rokẽ poe tuose ywy eya typyre ke;
14 Soutatu oehtoh sã tooehse ynororo ya. Jyyryhmãko roropa nexiase, ywy tytahtahkase porehme eya.
15 “Jemynyhmaryke upo, topuxiximã risẽ, amuruase. Mame typorohse ywy nono pona, typoremãkase jexiryke.
16 Tyxitase ywy itamurume.
17 Yrome imehnõ onyryhmara exiase,
18 “Nono, zae pyra yyryhmatopõpyry imehnomo a ononẽpyra exiko!
19 Jewomane nae ase kapu ao, moro waro ase.
20 Jepe tõ ykerekeremãko mã toto; eramãko ropa ase Ritonõpo a yxitaryme.
21 Tope ewomary sã imepyny a,
22 Jeimamyry tõ, tuhke pyra toehse,