1 Mame Jo tozuhse Eripaze Temã pono a. Ynara tykase ynororo:
2 “Jo, tuaro exikety mã moro sã pyra ezuhnõko.
3 Tuaro exikety toiparo rokẽ sekere kara mana.
4 Etako pahne, Ritonõpo zuno ahno ehtoh enahkapory se hma?
5 Tyyrypyhpyke oexiryke sekere ãko mase moro samo.
6 Ohxirory se pyra ase repe;
7 “Osemazuhme aenuruhpyryme osekarõko mah?
8 Ritonõpo osenetupuhtoh tonõ waro hma
9 Zuaro pyra yna ehtoh waro mahno?
10 Tamorepase ynanase tamuhpõme exiketomo a,
11 “Oemuhkehkary se Ritonõpo mana,
12 Oty katohme openetatoh ekahmãko rokẽ mah?
13 Oty katohme Ritonõpo zehno mexino okurohtao?
14 “Otara ãko mah: iirypyryme pyra ahno exĩko nae Ritonõpo a?
15 Ritonõpo a inenyohtyã kure nymyry pyra mã toto,
16 Moro motye ahno popyra ehtoh nuriame,
17 “Etako pahne, Jo, josenetupuhtoh ekarõko ase oya;
18 Tuaro exiketõ imehnõ amorepãko ajohpe pyra ehtoh poko, tumykõ namorepatoh tonõ poko,
19 tynonorykõ po, imehnõ nonory poe aepyhpyã pyra nexiase:
20 “Popyra exiketyme ahno ahtao, imehnõ ryhmaneme ynororo ahtao etuarimãko mana toorikyry ponãmero.
21 Panaikatõ etaryhtao oserehnõko mana;
22 Popyra ehtoh toehse ahtao typynanopyry oneraximara mana, totapary zuno mã ynororo imehnomo a.
23 Aorikyry eraximãko kurumu tõ mana, ekepyry pũ õtohme.
24 Popyra ehtoh oepyry, aosanumatoh tonõ roropa, enaromỹke tyrĩko mana.
25 Moro sã exĩko emero osepeme se pyra ahtao Ritonõpo maro.
28 “Pata tõ typoremãkase mokyro popyra exikety a, tapyi tõ, irumekatyã, apoitohme tytapyĩme.
29 Tymõkomoke exikety axĩtao rokẽ mana,
30 Mokyro popyra exikety, xinukutume ehtoh wino epara mana, orihnõko.
31 Tuaro pyra exiketyme mana, ajohpe ehtoh ke tuisame toehse ahtao,
32 Anorỹko mana tamuhpõme nymyry pyra ahtao, wewe amoriry aremamyry samo, arỹtara ropa ekurehnõko mana.
33 Uwa zoko sã exĩko mana epery ohpapyry sã exipyra ro ahtao, oriwera zoko sã roropa ekuru tõ ohpahtoh samo.
34 Popyra exiketõ typoenõke pyra exĩko mã toto,
35 Osenetupuhnõko mã toto popyra ehtoh ritohme,