1 “Jamihme pyra sytatose, emero, kuenurutopõpyry poe ro.
2 Ekuru sã sytatose ekutãko,
3 Ritonõpo, arypyra sã ynanase;
4 Ahno mã, nuriame exiketyme mana,
5 Isene yna ehtoh tuhke jeimamyry waro Ritonõpo mana.
6 Yna enẽko mase, osenuhmakehko yna pona.
7 “Wewe kure ehtoh eraximãko mana;
8 Imity tõ xihpyryme toehse ahtao,
9 ehxikaryhtao arỹtãko ropa mana,
10 Yrome ahno toorihse ahtao, arypyra exĩko mana;
11 “Ikuhpo tõ samo tonore toehse ahtao, tuna sã roropa tãpaise ahtao,
12 moro sã orihnõko sytatose, emero, kapu nae ro ahtao.
13 “Ynara se hano oya:
14 Toorihse ahno ahtao ẽsemãnõko ropa nae?
15 Morararo ykohmãko mase,
16 Ypynanohnõko mase azahkuru pyra jehtohme,
17 Yyrypyry poko wenikehnõko mase.
18 “Morararo ypy tõ osenahkary sã,
19 Topu tõ ahkary sã tuna a, nono arory sã roropa opotunety a,
20 Yna poremãkapõko mase, orihnõko ynanase.
21 Imũkuru tõ eahmaryhtao ahno a imehxo toto ehtoh poko,
22 Jetũ tupũ ehtoh waro rokẽ mana,